Wai u Wailadmiki ya ka Yung Duwan ka Raij Ialong

Ynne ka sngi u MLA ka Jowai, u Wailadmiki Shylla da wai u ya ka Yung Duwan ka Raij Ialong kawa man ka yung wa kyntang wow pyndep ya ka Kñia Wah Bhang hadien wa pyndep ya ka lehniam Behdieñkhlam da ki 9 Wasan ka Raij.

Ha kani ka sngi da em ka yalang wa tbian wa pynlai da u President ka Seiñraij Ialong, u P. Shylla heiwa da khana u wa ya kani ka yung u pynemkaam hawa pyndep ya ki kaam niam hadien ka Behdieñkhlam heiwa em ki por kut ki kaam niam heini hadooh 9:00-9:30 i miet.

U Wilhelmos Shylla uwa man u District Project Manager ka MBDA, West Jaiñtia Hills da pyntip u wa ya kani ka yung da chna lyngba ka Payment for Ecosystem Services Scheme (PESS) kawa haap hapoh ka Green Meghalaya.

U Dolloi ka Elaka Jowai, u Puramon Kynjing hawa e i klam da ong u wa kani ka yung daw yarap bha ko hawa pyndep ya ka niam ka rukom khamtam ka Kñia Wah Bhang heiwa nachwa ki Wasan hap ki wow chah ya u slap ka la’ær tangwa kattu daw yarap bha i ya ki.

Related posts

Pynkylla ka sorkar ya ki kyndon yow pynchlur ya kiwa pynmih jait dih dei stat yongrim

August 7, 2025

Pynbna ka sorkar ya ka Police Station wa thymme

August 7, 2025

Hawa e i klam, u Wailadmiki da e khublei u ya ka sorkar hapoh i yahkhmat u Chief Minister heiwa ya ini i yung da chna lyngba ka PESS kawa man ka Scheme wa wanrah u CM hi.

Da ong u leh wa kani ka Scheme yarap wei kyrchaan ko ya ki chnong ki Raij hawa pynneh ki ya ka ramaw khamtam ya ki khloo.

Ha kani ka sngi da yoh leh i klam na u General Secretary ka Seiñraij Ialong, u J. Phawa.