U MLA ka Jowai, u Wailadmiki Shylla ynnin ka sngi da wai u ya ka yung skur wa thymme (Extension Building) yong ka Jowai Presbyterian School, Ialong ha ka yalang wa tbian wa da pynman ha kani ka skur.
Ya kani ka yung skur da chna dei yoh yarap na ka karkhana pynmih khyndawbilat, ka Dalmia Cement Bharat Ltd.
Ha kani ka sngi da emlang u Sanjib Mishra uwa man u Regional Head ka Dalmia Cement, u Rev. E Nongpluh, u Rev. CL Laloo wa kiwi kiwi.
U Wailadmiki hawa e yei klam da yaroh u ya ka SMC yong kani ka skur wa da ye ko wow pynlai ya ka skur khnang wa ki khynnah u yoh ki yei stat i tip.
Da e khublei u leh ya ka Dalmia Cement Bharat Foundation kawa da yarap wow chna ya kini ki kamra deiwa ong leh wa ini daw yarap bha i ya ki khynnah wa ha i e chakri kani ka skur.