Khliehriat: Ka seiñ MPUF-EJHD ha kini ki sngi wa dadep rynkat wei synran u president ka Central Governing Body u Dapoiwanmi Laloo da hiar sylli noh ko ya i pynkreh yaka scheme saam um dih kawa ha chnong Rymbai, East Jaiñtia Hills.
Ha ini i lai sylli ka seiñ phylla ko wow yoo da ki khmat hawa chah ieh ini i kreh khlem em wa pait næ booddien nadooh i por (antaad) wa jop u Justine Dkhar kam u MLA ka thaiñ wei kani ka kaam da wanrah nadooh i por wa u Nehlang Lyngdoh dang man u kam u MLA.
Ka seiñ da ong ko wa iwa kjut nood toh wa ki yung wa em heini ki wow pynkrehkaam kam ki Power House da man ki kam ki thaw wow leh kaam sih wa ka thaw dih kiad, wei kani ka thaw man ko kawi na ki thaw wa riñ bru bha khamtam kiwa lai uiñke suwari.
“Lada ye u pyndep ya kani ka kaam hapoh i por biang katwon u man i i kyrkhu ya ki paidbah thaiñ 6-Khliehriat Constituency neibhah heipor tlang haap thied ki ya ka um wow yoh u pynemkaam, neibhah katni nadooh wa khang yei tih mooyong boon i chitom wa chem ki, katwa u MLA ka thaiñ (Justine Dkhar) hawa yoo leh leh thlah u” da ong u President ka MPUF-EJHD u Michal Chyrmang.
Ka seiñ da kam ko leh wa heitu i por wa sdang kreh ya kani ka kaam dang em sa kawi won ka project saam um hapoh Sutnga kawa da lai chaaid chaaid kawa sadu u pyndep hi noh yaka katwa manda kyruiñ won cha kani ym yoo em kyrmen de wow pyndep ya ka.
Heijooh i por da maham ko leh wow paan da ka RTI yow chemdien yeiwa sakhiat.
Also Read: Tang chi joo ka um ym joo na ka T. 2744.79 Lak wow pynpoi um cha ki 15 chnong ha EJH: JSM
Discussion about this post