Wailaad ka VPP wow yoh ki Dkhar u thap kreh sorkar: Comingone

U Montri ka sorkar jylla uwa man leh u MLA ka Raliang, u Comingone Ymbon hawa e yei klam ynnin ka sngi haka yalang Election ka kyrtong MP ka NPP, ka Ampareen Lyngdoh ha Mowkaiaw da ong u wa kam ka Party NPP da yoobiang ko wow phah yaka Ampareen wow man kam ka MP.

Da ong u wa kamwa jooh kyrchaan ki paidbah ka Mowkaiaw ya oo ha u snem 2008 kamtæ kyrpaad u leh ya ki wow kyrchaan ki yaka Ampareen kamwa jooh kyrchaan ki ya oo ha kitu ki por.

Heiyatoh wa i pynbaad ki bru har rukom yaka NPP, da ong u wa man i kamwa ong i ktien tymmen ki waheh wa chisien wa em soh ha u dieñ boon hi ki wow sympat oo tangwa uwa khlem soh ym em hi wa bien oo tang u pait wei chisien wa em haka sorkar ymye wow pynhun ya ki paidbah 100% tangwa kam ka sorkar da yoo ki paidbah chiboon ki myntoi wa da ye u wanrah ymtoh du hapoh ka Constituency yong oo tangwa ha kani ka Mowkaiaw Constituency leh kamjooh.

Da ong u wa ka VPP toh ka Party kawa chet ya phi ki paidbah deiwa kdaw yaka Reservation Policy heiwa da ong u wa ki bru wa chna yaka ha u 1972 toh kiwa stat tam tangwa nei sñiaw stat won ka VPP, u President yong ka, u Ardent Basaiawmoit da pynkhih ki yaka ksiñ ngap wei da chah dait waroh neibhah wa nachwa ki khon Khasi Jaiñtia yoh ki hadooh 70% i kreh sorkar. Da ong u wa da yoh 40% i bhah kreh toh ya ki Khasi Jaiñtia wa 40% ki Garo katwa 15% yoh ki General wa 5% ki UR wei kini ki 15% wa 5% toh kiwa da jooh yoh ki Khasi Jaiñtia.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U Comingone da ong u wa i wan ka VPP da pynjæd ko yaka Reservation Policy wei da ktah ko ya ki khon ki kti yong i. Da ong u wa boon ki khynroo wa biej yaka VPP tangwa emkaam u sneiñ ya ki wa i wan ka VPP pynjæd ko ya ki khon ki kti yong phi.

Da ong u wa ha u 2022 em 160 tylli ki kreh Nurse heiwa ki Garo da ye ki wow thap du 50 ngut donhi katwa ki Khasi Jaiñtia won yoh ki u thap 110 ngut kat wym pu em wa pynkhih yaka Reservation Policy wei ya ini ye u pynsakhiat na ka chnat Statistics ka sorkar jylla.

Da ong u wa heipor wa sdang u wow kreh Contract da em du ki Dkhar ki heh sorkar wei deiwa em ka Reservation Policy da sdang wiar ki tangwa nei leh ka VPP da wailaad ko ya ki Dkhar wow thap kreh 15% ka Reservation Policy wei ki Khasi Jaiñtia da yoh ki 40% thij.