Ka Bindas Syiem kawa dadep pynman yakhih chah thngan ha u snem 2024 ha Shillong yow dawa pynchna ya u sarok Nongpoh-Umden-Sonapur, ynne da wan ko wow e kyrchaan ya u Marshall Biam uwa da pynman leh yei yakhih chah thngan kattu la 14 sngi ha Ladrymbai.
Ka Bindas da wan ko na chnong ko na Mawlong Nongtluh, Ri-Bhoi wei da synraan ya ka da ka Aitilang Manner kawa na chnong Pala.
Hawa e yei klam, ka Bindas da ong ko wa kam ki manbei hap wow yatylli wei wow em yei kitkhlieh neibynta ka mynried ki khon ki kti yong i wei da sñiawish ko wow yoo yeini iwa chah thngan u President ka JCOMSWA uwa da tlotbor.
Da kynmoo ko leh wa heipor wa chah thngan ko iwa 6 sngi da man ko kawa da tlotbor tangwa u Blai da emlang u wa ka wei kamjooh waroh kiwa da duwai neibynta yong ka kiwa da phah cha ka ya ki Video wa duwai ki ya ka.
Da kyrpaad ko ya u CM, ki Deputy CM wow wai noh chisiendon ya u mooyong neibhah da yoo sakhiat yei hiar ka khayi pateiñ hapoh ka jylla deiwa kynmoo yei por wa dang khian ko wa wan ko cha Ladrymbai cha Khliehriat heiwa da yoo ko yei kmen ki bru neidaw wa yoh ki yei kamai kajih da u marpohkhyndaw wa da e u Blai cha ki.
Da ong wa katni ki kaam wa maa da mih ki napoh ka Jaiñtia Hills, kamtæ da kyrpaad ya ka sorkar wow pyrkhat ko yeini.
Ka Bindas Syiem da booh ko leh yei duwai Blai ha kani ka sngi.
Discussion about this post