Wan ki heh sorkar na Punjab wow yaklam hajrong ki kaam wa yatoh wa ka Them Iewmawlong

Shillong: Ka dhab yong ki heh na ka jylla Punjab wa yahkhmat da u Montri ka sorkar Punjab, u Sukhjinder Singh Randhawa kam u Chairman ka High Level Delegation ynne ka sngi da wan ki ha nongbah Shillong wow yaklam wa ka sorkar Meghalaya heiyatoh wa ki kaam ha Them Iewmawlong (Sweeper’s Lane), Shillong.

Kani ka dhab wa san ngut na Punjab kynthup ko ya ar ngut ki MP, u Sardar Ravneet Singh Bittu wa u Sardar Jasbir Singh Gill, ki arngut ki MLA ka jylla Punjab, u Sardar Kuldeep Singh Vaid wa u Sardar Kulbir Singh Zira hapoh i yahkhmat u Chairman daw yachem ki ya u Montri Rangbah, u Conrad K Sangma wa ya u Symbood Montri Rangbah wa u Myntri ka kaam pohyung ka Meghalaya.

“Daw yachem i mynstep ya ki heh ka sorkar Meghalaya, daw pyrchang yachem i leh ya u Montri Rangbah wa ya kiwi ki montri nadooh 10:00 waje i step,” da ong u Jasbir Gill.

U Sardar Jasbir Singh Gill da ong u wa i wan yong ki ha Shillong toh wow pait ya man i long wa i thmu wow kyrriah ya ki bru wa sah ha Them Iewmawlong.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“I kwah ka sorkar na Punjab toh wa ki Punjabi wa sah ha kani ka jylla u chongsuk ki ryngkat wa ka imlang sahlang ha kani ka jylla, kwah i leh wa ki Khasi wa ki Sikh toh u em ki hei chongsuk deiwa ya burom markylliang,” da ong chooh chooh u Gill.

Hajrong i kyrriah ya ki bru na kani ka thaw, u Gill da ong u wa ya ini daw haap yaklam pynbait chwa hapyrdi ka sorkar wa ki bru wa sah ha Them Iewmawlong.

“Chwa wow kyrriah ya ki emkaam wow pynbait tikna cheiwon u rah ya ki na kani ka thaw wa em ki katni wei iyi i tyrwa wa mih na ka sorkar,” da pynrap u Gill.

Ynne kani ka sngi kani ka dhab da yachem ko leh ya ki bru wa sah ha kani ka thaw ryngkat i sonteri wa joor.