Ha ka yalang wa da pynman hei janmiet ka 5 tarik uni u bnai ha yung dorbar ka chnong Ummulong, kiwa yahkhmat wa hakhmat dooh ka VPP na ka chnong Ummulong da wan ki wow e kyrchaan wa pura ya u kyrtong samen ka chnong Ummulong, u Wendolin Shullai na 5-Mukhla Ummulong Constituency.
Hawa khana yei daw, da ong ki wa da mih ki na ka VPP toh wym ap kiwa yahkhmat yong kani ka Party yei sur yong ki paidbah itæ toh hawa jied ya ki kyrtong wow yakhun ha kani ka MDC Election wei kam ki waheh kiwa dadep pynjop emburom ya u MP, u Dr. Ricky Syngkon ym em de ki i jooh i chaniah ha uni u kyrtong MDC yong ka VPP.
Chooh chooh deiwa yoo yei sur yong ki paidbah ka chnong Ummulong ym yohsa de ki wow wan psiah wow kyrchaan tylli ha u kyrtong samen yong ka chnong Ummulong uwa yieñ ha u Symbol yong u Moolangnai.
Neiliang u Wendolin Shullai kam u kyrtong da pynsñiaw u yei sñiawngooh wa khroo ya ki hajar ngut ki paidbah kiwa da wan cha kani ka yalang wow pynyoo yei kyrchaan wa pura yong ki ya oo wei da e khublei u ya kini ki waheh kiwa da wan psiah thymme wow kyrchaan pura ya oo ha kani ka kynti.
Discussion about this post