Wan kyrsu thiah ka CFC ya ki paidbah ha Iawmusiang yow jied ya ki kyrtong kiwa ye u kreh

Jowai: “Da toh i por wow wanrah yei kylla ha ka ri kawa emkaam yeini i kylla, wei ka ri yong i em ko hei ma tæ emkaam wow yaleh deiwa eh wow wanrah yeini i kylla” da ong u CEM ka KHADC u P.N. Syiem ha ka yalang wa pynman ynne ha Iawmusiang.

Kani ka yalang paidbah toh kawa chibynta wow kyrsu thiah ya ki paidbah wow jied ki ya kiwa mihkhmat wa pura wa ye u yaleh neibynta ka thaiñ yong ki wa ka jylla waroh kawi. Da pynman ya ka yalang hajrong ka phang “Wow Yalap wow wanrah yei Kylla”.

Ya kani ka yalang da pynman da ka Campaign For Change (CFC) ha Iawmusiang, Jowai heiwa da wan ap da ki paidbah kiwa wan yaaw na kylleiñ ka ri-loom Jaiñtia.

Ka CFC toh ka seiñ kawa kreh neibynta wow wanrah yei kylla hapoh ka jylla waroh kawi deiwa pynsñiawthooh ya ki paidbah wa ki embor ki wow wanrah yeitæ deiwa jied ya kiwa mihkhmat kiwa paka kiwa ye u kreh yeini.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ya kani ka yalang da pyllai da u Dr. H.C. Pakynteiñ uwa man leh kam u Vice President ka Seiñraij Jowai.

Da yoh yei klam na uwi na ki kyrtong ka Mowkaiaw Constituency u Nehemayah Tyngkan uwa da ong wa katni ka kaam election da man ko kam ka kaam khawai wei ya baamdoh sñiawbha hi-eh tangwa emkaam wa ki paidbah u khyrngiat noh ki neibhah wa ka mynried ka mankawi ka yong ki khon ki kti ki chong i ha i rai yong ki.

U MDC ka Pynthor Umkhrah u J.B. Baisaiawmoit hei klam da ong u wa boonsien kiwa mihkhmat yaleh ki wow wanrah yei kylla du hei ktien hei kular tangwa boonsien manda poi ki hei bor mar chawa ngait hi.

“Tip O wa ka party daw suspend ka nga hanlakattæ leh ymphær neibhah wa nga u yieñ O ha ka yurim wa skem neibhah wa ha kawi ka sngi daw yoo i ya ka sngi wa tyrchaaiñ”. da ong chooh chooh u Syiem hei klam yong oo.

Da kylli chooh chooh wa katwon yoh myntoi i na ki Cement Company kiwa kamai waroh chisnem dep neitæ won paan ki sa ka subsidy.

Hei yatoh wow wanrah yei roi i paar wow kynrong ya ka jylla waroh kawi u Syiem da pynksan u wa emkaam wow pynkrehkaam noh ya ki policy wa ha rukom kam ki Mining Policy, ka Power Policy, wa kiwi kiwi.

Da pynkut ya kani ka yalang da ki kyntien khublei na u Information Secretary ka CFC u Eleazer Chyne.

U Chairman ka CFC u Milon Warjri hei klam wa kiwa pathai khubor da khana u wa ka thong yong ka toh wow wanrah yei yatylli u yakreh neibynta ka ri ka jaitbru wa ka jylla waroh kawi deiwa pynche ya ki paidbah yei bor wa i hok yong ki wow jied ya ki bru wa yoobiang ki.