Wan paan maap uwa pynbaad wa u Generous Paslein toh uwa chah thied yow yaleh Election

U Generous Paslein uwa man kam u kyrtong samen na ka 1-Nartiang Constituency ha kani ka Election MLA 2023, hawa yaklam wa kiwa thoh khubor ynne ka sngi ha Jowai, da wan yah lang u ya uwi na kiwa kyrchaan ya oo uwa da pynypoor ya ka khubor thok ya ka yurim wa da yieñ u kam u kyrtong.

U Generous da ong u wa da em wa pynbaad wa ya oo da em kiwa pynyieñ wow yaleh u ya ka Election wei ini toh iwa bakla wa khlem yurim wei kini ki pynbaad wot hadien ka Election dang em kiwa pynpoor ki wei hadien wa da takit da chem wa uwa emkti heini toh uwa tipmit u uwa na chnong Bampthong.

Chooh chooh u Generous da ong u wa da yieñ u wow yaleh Election neidaw wa em u yei thrang wow chakri ya ki paidbah wei wow pait ya kiwa kup chiliang sem chiliang kamtæ da kyrpaad u ya ki paidbah wym toh u sñiawthooh bakla ki, u chah yakhbakla ki heiyatoh wa ini wa da pynpoor iwa dei thok suda.

Neiliang uni uwa da pynpoor ya kani ka khubor thok uwa tip kam u Pynhun Phawa naka chnong Bampthong hawa paan maap wei pynche ya ki paidbah ka 1-Nartiang Constituency kamjooh na u Generous Paslein wa na ka yung ka sem yong oo, da ong u wa da pynpoor u ya ka khubor thok wa da em uwi u kyrtong uwa da e poisa ya u Generous Paslein T. 7 klur hachwa ka Election wei yeini da khana u cha ki bru heipor wa da muaid u wei da kam u cha kiwa Phone wa ini toh iwa da tip tikna u tangwa hei yong sakhiat iwa chna hi-eh u.

Related posts

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Neiliang won u pa u Generous Paslein, u Hilarious Dkhar uwa jooh man kam u MDC ka Khanduli ha u 2009, da ong u wa nadooh kitu ki por da sihlet u ya ka 1-Nartiang Constituency wei da yaleh Election u khon u toh wa sñiaw maya ya kani ka thaaiñ wei ini i chah pynbaad wa chah thied chah dai toh iwa bakla neibhah ym jooh em sah ram ki tang chi tyngka leh ha uwon uwon.

Da ong u wa lada ym maya ki paidbah leh ym phær tangwa kini ki pynbaad da toh u kut noh i nadooh myntu ka sngi wei lada dang pteiñ i, ki daw leh ki katkam ka aiñ pyrchah ya kini.

Chooh chooh da ong u wa lada em ka sabut wa chah dai chah thied ki, hun ki wow e dei mynsien neibhah ym jooh em chim poisa ki neiwon neiwon wei ym jooh kwah ki wow leh iwon iwon iwa bakla wei hanla yoh ki yei rem leh ym phær tangwa ym toh won wow dooh yei chaniah ki bru.