Ka Electoral Roll Observer, ka Isawanda Laloo, IAS ynne da wan ko cha West Jaiñtia Hills District yow pait ya kiwa boon ki kaam wa da leh hapoh ka District kam chibynta ka Special Summary Revision katkam ka 01-01-24 kawa man kam Qualifying Date namo ka tarik yong kiwa daw dap 18 snem yow man kam kiwa thap Vote wa thymme kamjooh i pyndam ya ki pyrtuid kiwa da khlaad, kiwa da kyrriah chnong, i pynbait ya iwa bakla wa kiwi de ki kaam hapoh ka SVEEP kiwa da dep leh hadooh katni.
Da yachem ko leh ya ki Electoral Registration Officer (EROs) wa ki Assistant Electoral Registration Officer (AEROs) ki 5 tylli ki Assembly Constituency kitæ ka 1-Nartiang AC, 2-Jowai AC, 3-Raliang AC, 4-Mowkaiaw AC waka 7-Amlarem AC ha kamra krehkaam u Deputy Commissioner, West Jaiñtia Hills District ha Jowai.
Da yachem ko leh wa kiwa mihkhmat ki seiñ saiñhima yow yaklam chaphang ka Election deiwa kyntu ya ki wow jied ya ki Booth Level Agents yow lai bait ka Election deiwa ya krehlang ki waka yung krehkaam.
Ka Isawanda da pynlait ko leh yaka SVEEP Awareness Video hajrong ka Special Summary Revision (SSR) kawa da chna da ki SVEEP Icon ki “CHI IUNG”.
Discussion about this post