U khlieh ka chnat chipai Indian Air Force, u Air Chief Marshal RKS Bhadauria da wan pait u ya ki Air Force Station wa ki Advanced Landing Grounds (ALGs) kiwa em hapoh ka Eastern Air Command nadooh ka 5 hadooh ka 7 tarik uni u bnai.
Ha ini i wan, u Badauria da yachem u wa ki sahep ka IAF wa Indian Army heiwa da yaklam u yei pynkhreh ki chipai ha kini ki thaw wei da lai u leh cha Itanagar wow yachem ya u lat wa u montri rangbah ka Arunachal Pradesh.
U Badauria da pynhær u leh ya ki lieñsuiñ kit mar wa ki lieñsuiñ niangkachiah ha ka jylla Sikkim wa ka thaaiñ mihsngi wei da yaroh u leh ya ki chipai kiwa da embynta ym du wow yada ya ka ri tangwa wot wow yarap ya ki bru heipor wa emkaam,
Da yaroh u eh yei man i long ki Station hanlada em hapyrdi ka khlam COVID-19 deiwa bood leh ya ki kyndon ka sorkar.
