Wan pyndem ka seiñ kieñ suloi wa khaddooh ka Mizoram

Ka seiñ kieñ suloi wa khaddooh ka Mizoram, kawa tip kam ka Mizoram Hmar People’s Convention (Democratic) da wan pyndem noh ko ynnin ka sngi.

Ha waroh da em 43 ngut ki dkhot ka seiñ kiwa da pyndem ya ki tiar yaleh ha ka yalang ha Sesawng hajan Aizawl deiwa sakhi u Chief Minister Lalduhoma kam u kongsan.

Da ong u wa i wan ki dkhot ka HPC(D) cha ka imlang sahlang man i kaam wa jop ya ka jylla Mizoram waroh kawi.

Da ong u wa i dor yong i chongsuk man iwa sy’at wei i wan ka Mizo National Front (MNF) wow yahkhmat yei klam yasuk pyntikna i yei chongsuk ha ka thaaiñ.

Related posts

Pynbna u Conrad ya ka VDA wa Rs.10 klur chi snem ya kiwa kreh Muster Roll

May 1, 2026

Napoh kari hiar u Conrad yow ap yei dawa kiwa pynman yakhih

May 1, 2026

Ini i wan pyndem toh hadien wa soi ya ka Peace Accord hapyrdi ka sorkar Mizoram wa ka HPC(D) ha ka 14 tarik u April 2026.

I rah suloi ki seiñ Hmar toh iwa sdang ha ki khlieh ki snem 1980, dei dawa ya ka Autonomous District Council hapoh ka Sixth Schedule. Kiwa boon ki chnat da pyndem ki ha u 1994 wa 2018, ka Sanate Faction da pteiñ ko wow kreh hadooh ki snem wa dadep.