Ka Seng Samla Umdang Pyllun da pynkhyrngiat ko ya ka Rangdajied United ynne deiwa jop da 2-1 ha ka yalehke ka Group H ka 5th Meghalaya State League kawa da pynman ha Mawkyrwat.
Ka Rangdajied da thap nyngkong ko ha ka minit wa 15 lyngba u Elnathan D Wahlang tangwa ha ka kylla miet, ka Umdang Pyllun da thap ko arsien lyngba u Rangkynsaistar Mawsor (59′) wa u Wanbhalang Mawsor (63′).
Ka Umdang Pyllun kattu da em ko hei wa ar ha kani ka Grop H wei hei wa le da em ka Mawlarshong SC kawa bood da 2 Point tangwa daw yalehke ko sa chisien. Ka Rangdajied da man ko ka Club kawa na Shillong ka wow rem ha kani ka samoi wei em ka laad wym poi ko cha ka Pre-Quarterfinal.
Ka Shillong Lajong FC won da jop ko da 7-0 ya ka Iatyllilang Lumsehkot CSC ha Group E wa pynman ha Wahiajer. Da ini i jop, ka Lajong da psiah Pre-Quarterfinal ko.
Ya kini ki kool da thap da u Lalmuansanga (12′, 30’P), u Hamedamanbha Wahlang (28′), u Riborlang L Lyngkhoi (35′), u Samchaphrang Lato (39′) wei da em kawi kawa thap bakla ha ka minit wa 23 yow pyntam da 6-0 ha ka kylla step wei ka kool wa khaddooh dapoi na u Emanbha Marbaniang (90’+3).
Ha Mairang, ka Langsning FC da jop ko ya ka Lawbah SC da 9-0 ha ka yalehke ka Group F yow psiah cha ka Pre-Quarterfinal. Ya ki kool da thap da u Samuel Phawa (10′, 36′), u Damonlang Pathaw (12′, 50′), u Donlad Diengdoh (27′, 32′), u Dajiedlang Wanshnong (32′), u Ronneychel Khongrangjem (38′) wa u Nelson Rymbai (79′). U Nelson da man u leh kam u Top Scorer kattæ deiwa thap la 12 sien.
Kiwi de kiwa da yoh u thap 12 sien ton u Keri G Momin (11′, 38′, 73′) uwa da yoh Hat-Trick ynne ha ka Group G yow pynjop ya ka A’chik SCO Rongjeng da 5-0 pyrchah ya ka Attong Matgrik. Kiwi de kiwa thap toh u Preioush N Sangma (12′) wa u Washbi Sangma (51′).
Ha Khliehriat won, ka Rymbai Shkenshynriah SC da jop ko ya ka Thangskai Tiger da 3-0. Kini ki ar liang toh kiwa da yoh u psiah Pre-Quarterfinal tangwa ka Shkenshynriah da yoh nyngkong da ini i jop ha ka Group D. Ya kini ki kool da thap da u Skilful Tariang (3′), u Alwinson Bareh (56′) wa u Hesmiki Rymbai (78’P).
Ha ka Group B wa pynman ha madan ka MFA ha Shillong, ka Mawlum Tyrsad SCC da jop ko da 6-0 ya ka Mulang SC Nongbah. U Ebetstar Nongbet (48′, 71′, 75′), u Banshem Khongsit (8′), u Fillbanstar Nongbet (86′) wa u Justlywell Jala (87′) toh kiwa da yoh u thap kool. Ka Mawlum Tyrsad dang em laad ko wow yoh wa ar lada ye ko wow pynrem ya ka Mawphu SC.
Ka Laskein SCSC da ye ko wow jop ya ka Amlarem SC da 2-1 ha ka Group C wa pynman ha Amlarem. U Fiderme Dkhar (45′) da thap nyngkong u ya ka Amlarem tangwa ha ka kylla miet, u Bundaki Lamare (65′) wa u Marsowki Suchiang (69′) da ye ki wow e yei jop wa nyngkong ya ka Laskein hadien wa ya Drawn le sien wei rem chisien iwa da e kyrmen wa ye ko wow knieh yei wa ar na ka Amlarem.
Ki yalehke mynstep ki wow sdang heipor 3:00PM:
Group A (Shillong SSA Stadium) – No match scheduled
Group B (Shillong MFA Ground) – Nangkiew Irat SC vs Mawphu SC
Group C (Amlarem) – Mawlai SC vs Lamin XI SCC
Group D (Khliehriat) – Jalaphet Moochut Pyrdung SC vs Ladthadlaboh SC
Group E (Wahiajer) – Lumphyrnai Sohphoh FC vs Lamyrsiang SCC
Group F (Mairang) – Umlakro SC vs Mishon SSCC
Group G (Williamnagar) – Janepih YSCA vs Maram FC
Group H (Mawkyrwat) – Mawlarshong SC vs Mawten SC
Discussion about this post