Jowai : Ynnin ka 25 tarik u wi u bru wa tip pyrtuid kam u Daioh Hadem 37 snem i rta da wan pyndem u ha khmat ki pulit ka Jowai Police Station hei yatoh wa chah pynbaad wa slaitbor u ya ka khon nah u kawa dang 12 snem i rta.
Uni u bru da wan pyndem u hadien wa ka yung bichaar da kyntait ko ya ka Jamin (Bail) yong oo.
Kam wow pynkynmoo wa uni u bru da chah kynnoh u wa da slaitbor u ya ka khon nah yong oo ha ka 08 Naikhynde ha yung u ha Ladthadlaboh.
Kiwa ha yung kani ka khynnah da ujor FIR ki hadien ar sngi heiwa ki pulit da register ki leh ya ka case.
Discussion about this post