15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Wan pynhær u Hamlet Dohling yaka lama ka ri ha Khliehriat

0 Comments
Advertisement ad1
Advertisement ad1
Advertisement ad1

Khliehriat: Deilang waka ri waroh kawi da lehkmen yaka sngi laitlooid ka ri India kawa tip kam ka 73rd Independence Day ha Khliehriat East Jaiñtia Hills District, Khliehriat, heiwa u montri ka Urban Affairs wa Municipal Administration, u Hamletson Dohling, da wan pynhær u yaka lama ka ri wei da chim u leh yaka Rashtriya Salute yong ki 21 tylli ki dhab wa chimbynta haka March Past na kiwa boon ki skur wa yahkhmat daka Meghalaya Police. Da wan sakhi leh da kiwa boon ki paidbah ya kani ka lehkmen.

Da emlang leh u S.S Syiemlieh, MCS, Addl. Deputy Commissioner, East Jaintia Hills District, ka D.M. Suja, MCS, Addl. Deputy Commissioner, East Jaintia Hills District, u S. Marwein, EAC, East Jaintia Hills District, u Vivekanand Singh, IPS, Superintendent of Police, East Jaintia Hills District wa kiwi ki sahep sorkar.

Advertisement ad1

U Hamlet hawa e u yei klam da kynmoo u ya kiwa yaleh wow yoh laitlooid ka ri kamjooh leh ya ki khlawait ka ri u Tirot Sing, u Kiang Nangbah, u Pa Togan Sangma kiwa yieñ skem wow yaleh yow yoh laitlooid. “Katni ka ri man ko kawa laitlooid na i kreh chitom kini waroh,” da ong u Hamlet.

“Kani ka sngi man ko leh wow kynmoo warom ya ki chipai wa da e yei mynsien yong ki neibynta ka ri kiwa da yada wei yaleh pyrchah ya kiwa boon wa kwah u pynmong yaka ri,” da ong chooh chooh u.

Da phah u leh yaka khubor sñiawlem cha waroh kiwa dooh yei mynsien ha i bor ka rymaw kam hei chlai um wa i oor khyndaw, wei da pyntip u leh waka sorkar yaleh ko katwa ye wow yarap ya kiwa chah ktah.

Da klam u leh yaka thong yong ka jylla wow wanrah yaka roi ka paar yow chna yaka Meghalaya kawa thymme, wei da pyntip u leh ya i tipmit ka Supreme Court yei mantre i khyndaw, kamjooh ki marphokhyndaw kawa daw wanrah yow pynim biang yaka tih mooyong hapoh ka jylla.

Ha kani ka sngi da yoh leh ya ki chaad tynre, ki rwai tynre, ki yalehke Drill wa da leh da ki skur waphær waphær ka District kamjooh naka Biate Youth Welfare Association. Da e sñiawbha leh ka Officers Club ka District cha ki yung sumaar khynnah wa ki thaw ri khonswet wa em ha Khliehriat wa ha Tuber Sohshrieh.

Neiliang u montri da saam u leh ya ki khusnam cha kiwa jop haka yakob pynyoo ya ki rwai wa ki chaad tynre heiwa da yoh nyngkong ka Khliehriat Higher Secondary School, wa ar da yoh da ka St. Anthony’s College, Byndihati. Haka March Past won da yoh nyngkong ka Little Star Academy Secondary School, Khliehriat katwa ka Holy Family English School, Khliehriat da yoh wa ar ko.

Share this:
Previous

Phooh pheiñ ka lehkmen sngi laitlooid ha chnong Jowai

Next

Rah ka Chiliangraij yaka Independence Day Cup Under-16 Football Tournament