theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Booh Moo-yurim u Dr. Mukul ya ka Technical University wa ka College of Architecture & Urban Planning ha SWGH

Tura: U montri rangbah ka jylla, u Dr. Mukul Sangma ynnin ka sngi hei emlang u montri ka tnat Sports & Youth Affairs u Zenith Sangma da booh moo-yurim ki ya ka skurbah wa nyngkong ka sorkar jylla wa tip kam ka Captain Williamson Sangma State Technical University, Tura wa ka College of Architecture and Urban Planning ha Jewilgre, South West Garo Hills.

“Kani ka University daw pyndap ko yeiwa duna ki kaam puræ puthi hapoh ka jylla wei ya ki Campus wa ki Study Centre yong kani ka thaw puræ daw booh ha kylleiñ ka jylla, ka ri wa ka pyrthai waroh kawi,” da ong u Dr. Mukul.

Advertisement ad1

Ha u snem 2011, da wanrah ya ka aiñ hapoh ka jylla wow chna ya kani ka University wei i daw wa slem u wai ya ki toh na ki daw wa boonjait hapoh ka jylla deiwa ong wa hapoh ka jylla ki MLA dei langær yaleh ki u yut na kawi ka seiñ cha kawi tawon, da ong u Dr. Mukul.

Da pyntip u leh wa da mang poisa kamwa T. 19 klur wow chna ya kani ka yung ka University ha Jewilgre, kawa jngai kamwa 20 km na Tura ha i thaw wa heh kamwa 100 acre. Chooh chooh da ong u wa u R D Shira wa u K R Marak u man ki kam u Pro Vice Chancellor wa u Registrar yong ka Captain Williamson Sangma State Technical University.

Heijooh i por da ong u wa ha ki san snem wow wan ka jylla daw dap ko 50 snem wei em chiboon i angnood ki paidbah.

Hei yatoh won wa i booh moo-yurim wow chna ya ka Medical College wa ka Engineering College ha ri-loom Khasi wa Garo heijooh i por da ong u wa emkaam wow wanrah yei roi i paar iwa salonsar ha waroh kawi ka jylla. Da ong u wa lada tei iwon iwon ha ri-loom Khasi i jooh hi emkaam wow tei ha ri-loom Garo.

Da pyntip u leh wa kani ka College of Architecture and Urban Planning toh kawa nyngkong dooh hapoh ka thaiñ mihsngi wei da mang T. 26 Klur wow chna ya ka yung yong kani ka skur. “Ka Urban Planning toh kawa kynsai bha ka khih ha kini ki por wei da e nongmuna u ya ki sorbah Delhi, Mumbai wa ka Guwahati, heiwa lada slap du chikynta leh da thut lut waroh i jait.

Ha kani ka sngi da emlang u MLA ka North Tura u NR Marak, Raksamgre, u  MLA LD Sangma, u CEM ka GHADC u Boston Marak, ki MDC kam u Ismail Marak, J Sangma, K Marak, u Co Chairman, State Planning Board, u FCH Momin, u DC ka South West Garo Hills u Cyril Darlong Diengdoh, wa kiwi kiwi.

Advertisement ad1
Share this:
Previous

Wan pynhiar pyrda u Gilbert Sten ya ka College week ka KNGC

Next

Ka la-ær ha Meghalaya toh wow pynhær noh ya ka Congress nei synchaar: Nalin Kohli