Wan pynyoo chaad tynre wa harukom ha ka yakop ka JNU

Jowai : Ka seiñ Jaiñtia National Union (JNU) ynne ka 13 tarik hei pyrchang wa khian yong ka da ye ko riñ ya 8 tylli ki dhaab chaad na kylleiñ ka ri-loom Jaintia u yachim bynta ki ha ka yakop chaad tynre ka wa da pynman ha District Library Auditorium, Mynthong, Jowai.

Da pynman ka JNU ya kani ka yakop yow u pynneh pynsah ya ka riti dustur, ka burom akor ka jaitbru ka yong i kiwa da booh u warim wajah.

Kani ka yakop toh du ya ki dhaab (group) wa kynthup wa kiwa tem wa ki wa chaad. Da yoh u sakhi ya kiwa boon jait ki chaad kam i Chaad Sukra, Chaad Kylla Pliang, Chaad Pasteih wa kiwi kiwi.

Ki chnong wa wan chimbynta ha kani ka yakop toh ka chnong Changpung, Sabah Muswang, Tuber, Barato wa kiwi kiwi.

Ya kani ka yakop chaad tynre da bichaar da ki arngut u ma Gresintus Susngi wa u Salan Kamar.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Kini ki arngut ki wa bichaar da jied ki ya ka Chaad Kylla Pliang ka chnong Sabah Muswang kam kiwa rah yei naam jop, ka chnong Raliang wa chaad da i Chad Bet Kba Ahoo Ahoo da yoh ki ya i kyrdan wa ar katwa ya i naam wa le da yoh da ka Neiñ Chnong Cultural Club, Tuberkmai Chnong ki wa e ya i Chad Sukra.

Ki wa jop da yoh ki leh wa ka song poisa T. 10,000 T.7,000 wa T. 3,000.