U Montri Rangbah ka jylla, u Conrad K Sangma ynne da wai u ya kawi ka Company wa pynemkaam ya ka AI Technology kawa tip kam ka iMerit kawa krehkaam na Shillong IT Park, Umsawli deiwa embynta lang ka Radha Basu, Founder & CEO ka iMerit.
U Conrad da ong u wa ka Shillong da man ko kawa da jied ki IT Company wow wan seiñ khih wei ka sorkar da wai ko ki laad yow yarap ya ki IT Company wow suk ki u seiñ khih wei da pynkreh leh ya kiwi boon ki kaam yow pynmsat yei bor ka Internet hapoh ka jylla.
Da e mynsien u leh ya ki khynroo khyllood ka jylla wow thooh kreh ki ha kini ki IT Company kiwa katni da sdang boon ha Shillong. “Ka iMerit toh kawa pawnaam ha pyrthai wei kawa ye leh u yarap hapoh ka jylla wei kam ka sorkar yooluti ko wa kiwa napoh ka jylla u pynyoo ki yei sap yong ki deiwa yoh u kreh ha kini ki Company,” da ong u Conrad.
Ka iMerit toh kawa em palat 5000 ngut kiwa kreh ha United States, Europe, Bhutan wa ha India, wei ha Meghalaya da em ko palat 200 ngut heiwa 64% toh ki kynthai.
Discussion about this post