U kyrtong ka PDF na 3-Raliang Constituency, u Shemhok Garod ynne da lai thap pyrtuid u wow yaleh ya kani ka Election MLA 2023 ha kamra krehkaam ka D.V. Lyngdoh, ADC ka West Jaiñtia Hills District.
Ya u Shemhok Garod da wan synraan da u President ka Party deilang wa kiwa kyrchaan yong oo.
Hawa yaklam wa kiwa thoh khubor, u Shemhok da ong u wa waroh i jait kaam da lai bait i wei ym em i thut wei hei lai luti u chaneiñ chawah ka Raliang Constituency da chem u wa ki paidbah kiwa dooh wa duk, kiwa kup chilliang, sem chiliang kwah ki yei kylla.
Wei da yoh u leh wow ya syllok wa ki ya itæ iwa eh wa chem chitom ki hapoh ka Constituency wa duna i roi i paar hapoh ka Constituency wei da yooluti u wa ki paidbah daw pynjop ki oo kam u MLA yong ki na ka Party PDF.
Chooh chooh da ong u wa waroh chi kattu ym jooh em kam kattæ ka ya jngai hapoh ka Constituency kam ki High Level wa ki Low Level, “Kiyi kitæ ki High Level? ki bru yong ka sorkar la ha ka khih ka khan, ka kamai kajih lane ha kawon kawon ka kaam leh yaphær ki ki High Level wa ki Low Level, ki High Level biang toh ki katwa ki Low Level chah ieh beiñ ki.”
Kamtæ da ong u wa ha kani ka kynti lada yoh yei jop ya kini ki kyntien High wa ki kyntien Low u pyndam noh ki yow ya neh ka jooh ka Level. Khamtam ha kani ka Constituency ki khynroo khyllood dooh kaam dooh jam ki wei hiar ka roi ka paar wei lada jop daw wanrah lang ya ki khynroo yow man ki kiwa chakhmat.
Da ong u leh daw jied ya ki khynroo kiwa da stat yow e laad ki yow mih ki chakhmat neibhah wa jooh chah iehbeiñ ki wei lada man MLA daw yasaaid u yeini wei daw ya tylli kiwa khian wa nai yow wanrah yei jop ya oo, neibhah nadooh mynsien kwah u wow chakri neibhah ym em wa thied ym wa dai ya oo.
