Jowai : U Inspector General of Police (IGP) Eastern Range u H. Nongpluh hadien wa mih i awri awra ha Iawmusiang ynnin da wan u cha Jowai ynne ka sngi wow pait wow sylli yei rukom man rukom long ka chongsuk chongsaiñ.
Ha ini i wan da yachem u wa u DC ka distrik u Arunkumar Kembhavi, u Addl. SP u S. Syrti, u DSP u P. Syiem wa kiwi kiwi ki bor distrik hapoh kamra u SP.
Hei klam wa ki nongthohkhubor u DGP da pyntip u wa ynnin ka sngi da pynemkaam ki pulit yei bor wa khian (minimal force) iwa man u sympat katna tympong chawah ya ki khynnah heijooh i por da ong u leh wa da em ka FIR tangwa ha kani ym em u khoh pyrtuid yongyi yongyi leh weiwa ym ye ki u pyngngat ya ki hapoh ka aiñ MMPO wei daw takit bniah ki pulit yeiwa jia ynnin.
Hei yatoh wa ki bom pynjhia (tear gas) da ong u wa ym pu em slem ha jylla leh da pynemkaam ya kini ki bom neibhah wa kini man ki kiwa krehkaam bha.
Chooh da ong u wa yooluti u wa ym jia de kam kani ka sngi chakhmat wei yooluti u leh yei chongsuk chongsaiñ.
Discussion about this post