Montri Khynnah ka sorkar pyrdi wa pait ya ka Ministry of Information & Broadcasting, Fisheries, Animal Husbandry & Dairying, u Dr. L Murugan hei sien nyngkong wa wan u cha Meghalaya da lai pait u ya ki thaw psan dakha wa i pynkrehkaam ya kiwa boon ki Scheme sorkar hapoh ka chnat Fisheries.
Da lai u cha ka thaw psan dakha namo ka Fish Farm ha chnong Umeit, Ri-Bhoi District wei da yaklam u leh wa ki warep. Da pynchlur u ya ki wow lai chakhmat wow psan dakha wei wow e kreh leh ya kiwa chong chnong.
U Dr. Murugan da yaklam u leh wa kiwa chah sikai wow psan dakha ha Meghalaya State Fisheries Research & Training Institute ha Mawpun Kshaid, Ri-Bhoi District. Da lai u leh cha Umiam yow pynlait symbe dakha.
Hawa klam chaphang ka Pradhan Mantri Matsya Sampada Yojana (PMMSY), u Dr. Murugan da ong u wa ka sorkar pyrdi kwah ko wow pynbiang yeiwa emkaam heiyatoh waka yaw ka haat i psan wei dai dakha hapoh ka ri deiwa pynbiang ya ki Ice Storage, ki Cold Storage, ki Processing Unit wa kiwi kiwi, kamtæ da pynchlur u wow chim kabu ya kini waroh kiwa da e yarap ka sorkar.
Da khana u leh wa ya ka PMMSY da sdang deiwa booh thong wow pynlut T. 20,000 klur neibynta ki 5 snem hadooh u 2025 ha waroh kawi ka ri.
