U Montri Khynnah ka sorkar pyrdi wa pait ya ka chnat Finance, u Pankaj Chaudhary deilang kiwa bood ya oo wa kynthup ya u Personal Secretary yong oo, u Kumar Ravikant Singh (IAS) wa u First PA yong oo, u Dhruv Narayan Shrivastav da wan ki cha Jowai ynne yow booddien yei pynkrehkaam ya ki Scheme ka sorkar pyrdi hapoh ka West Jaiñtia Hills da ki chnat sorkar wa em hapoh ka District.
Neiliang ka sorkar jylla da em u Commissioner & Secretary ka sorkar Meghalaya, u Dr. Joram Beda (IAS) deilang wa u Deputy Commissioner ka West Jaintia Hills District, u B S Sohliya (IAS) chirup wa ki Additional Deputy Commissioner kamjooh ki Assistant Commissioners kiwa da pdiang ya u Montri deilang wa ki bru yong oo.
Neiliang u Montri da pynsñiaw u yei kmen hadien wa ap yei pynkrehkaam ya ki Scheme ka sorkar pyrdi hapoh ka District.
Hadien neini da lai u cha ka Anganwadi Centre wa em ha chnong Moopyllaitsyiar, heiwa da yachem wei da yaklam u leh wa ka District Programme Officer, ka Child Development Project Officer wa kiwa kreh Anganwadi.
U Pankaj Chaudhary da lai u leh cha ka kchaaid Krangsuri heiwa da pdiang ya oo katkam ka dustur riti da kiwa na ka chnong Ladjaplem wa kiwa pynlai ya kani ka thaw. Chwa u poi cha ka kchaaid da lai pait u leh ya ki Syngkni kiwa da em ha laad Demthring. Cha kchaaid Krangsuri da ya lang wa ka kurim u Montri, ka Bhagya Shree Chaudhary.
Hadien neini da uiñ biang u cha Jowai yow pynkut yei kaam yong oo hapoh ka District.
