U Montri Rangbah ka jylla, u Conrad K Sangma ynne da wai paidbah u ya ka Ambulance kawa da e hapoh ka CMDSF neibynta ka Nongthymmai ha ka yalang wa pynman ha St. John’s White Hall, Dum Dum, Nongthymmai deiwa emlang ka MLA ka East Shillong, ka Ampareen Lyngdoh, u MDC ka Nongthymmai, u Latiplang Kharkongor, u MDC ka Laitumkhrah-Malki, u Fantin Joseph Lakadong wa u MLA warim ka Nongthymmai, u Jemino Mawthoh.
U Conrad hawa e yei klam da ong u wa i e yarap da ki Ambulance cha ki dong ka chnong man ko i yarap wa khian tangwa iwa emkaam bha neibynta ki kaam sumaar sukhær. “I wan ka khlam da wanrah ko boon i eh i khoo ha kini ki ar snem ym du ya ka sorkar tangwa wot ya ka imlang sahlang tangwa da ye wow jop deiwa ya krehlang kiwa chong chnong,” da ong u. Kamtæ da yooluti wa da ini daw ye wow e yarap cha ki bru wei da kyntu u leh ya kiwa chong chnong wow sumaar ya kani ka kari kam ka yong ki hi wei wow em yei kitkhlieh.
“Ka sorkar da pyrkhat bha ko ya ka imlang sahlang wei da chim ko ki laad ki luti yow pyntikna wa poi cha ki thong wow pynbiang yeiwa emkaam,” da ong u Conrad.
Neiliang ka Dr. Ampareen M Lyngdoh, da kyntu ko ya kiwa chong chnong ka Dum Dum wow pynmyllieñ u sumaar ya kani ka Ambulance yow ye ko u e yei chakri wa biang.
U Montri Rangbah ha kani ka sngi da khana u leh ya ki kaam wa da booh thong u pynkreh neibynta ka Dum Dum.
Ha kani ka sngi da emlang leh ki dkhot ka Dorbar Chnong Dum Dum wa ka Managing Committee ka skur.
