Wan wai u Andrew Shullai ya ka yung skur wa thymme ka Vallabhbhai Patel Iawmusiang L.P. School kawa T. 16 lak

Jowai: Hajrong ka thong wow wanrah yei dur khmat wa thymme wa yoosuk wa lait nei khynnia yong ka Vallabhbhai Patel Iawmusiang L.P. School, wa em ha chrooh ka State Bank of India, neiliang ka dorbar chnong Tympang Iawmusiang Jowai hadien i thooh laad yow yoh chna daka yung skur wa thymme ha i thaw wa kyllooid, haka 7 tarik uni u bnai da wai ya ka bynta wa nyngkong yong ka School Building kawa 3 kamra wada chna ha madan yong ka chnong dei e yarap u Awhai Andrew Shullai MDC Jowai Central Constituency wa man leh kam u EM ka JHADC lyngba ka Special Assistance Central Plan Scheme 2015-2016 kamwa T. 16 lak.

Ha kani ka sngi da wan wai ya ka da u Awhai Andrew Shulai uwa man leh u MDC ka thaaiñ hei emlang ki Engineer napoh ka JHADC wa kynthup ya ka J. Pde kawa man kam ka Chief Executive Engineer, ha ka yalang wa pynlai da u Waheh Chnong u Embhahlang Khyriem chirup i sakhi ki dkhot chnong.

U Andrew hawa e yei klam da ong u “Da em boon ki scheme wa nga da e yarap O ya ki paidbah wa kynthup nadooh ki sarok, ki luti lai-kjat (footpath) wa kiwi, tangwa ha nga hi samen iwa rap sñiaw kyrpang dooh O toh i yohlad wow yarap ya kam kani ka yungskur neibhah wa i stat i tip hi toh i emkaam wa hakhmat dooh”.

Da pynsñiaw u yei kmen wa lyngba i kreh chitom lang yong waroh kiwa yahkhmat ka chnong da ye wow pyndep hapoh ka samoi krehkaam yong oo kam u MDC. Heijooh i por da kular u wa lada dang poi u hei thong daw ye chooh u wow e yarap.

Pynbna ka NPP ya ka thup wa le ki kyrtong MDC cha ka JHADC

January 15, 2025

Lada ka District Council wiar ko, ka jaitbru leh daw wiar ko: Rikut Parein

January 14, 2025

Hei klam wa u Secretary ka Tympang Iawmusiang u Ajoy Lywait da khana u wa kani ka 3 kamra wympu biang ko, tangwa daw thooh chooh ki ya ki laad yarap neibynta u pteiñ ki kamra Class, u chna ya ki paikhana natloor kiwi won i emkam wei la kammon kammon ha u snem 2020 da toh u yoh noh wow kyrriah ya ka skur Valabbhai Patel Iawmusiang L.P School, cha kani ka building thymme wa em ha Madan yalehke ka Tympang Iawmusiang.

Da ong u leh wa kamwa man kattæ ka yungskur warim da man kawa khynnia wei ka wym em ki madan, katwa ha kani ka building wa dang thymme won neibhah da chna hei thaw wa kyllooid wa em leh yaka madan u yarap ko chiboon ya kiwa sikai, ki khynnah skur hei bor i doh i pran kamjooh i thij i pyrkhat.