U BDO ka Namdong C&RD Block, u Dr. Heimonmi Niang ha ka 31 tarik u Naisan da wan u wow wai paidbah ya ka yung krehkaam ka Iashemlang I CLF ha Namdong Cluster ha Namdong-B, wei ha kani ka sngi da emlang leh u waheh chnong ka Namdong-B, u D.S. War wa u Acting Waheh Raij, u Lambor Lyngdoh.
Hawa e yei klam yong ki, da e ki yei yaroh, i kyntu kynpham wei pyn-eh-daw ya ka CLF, ya ki VO wa ya ki SHG hi waroh wow nang kreh chitom khnang yow ye u rah u rong yei kaam sam chakhmat.
Ka Cluster Level Federation Namdong Cluster da sdang ya ka ha ka 24-01-22 wei kani ka CLF da kdup ko ya 11 tylli ki Village Organisation (VO) wa 150 tylli ki SHG.
Kamtæ dei kreh chitom yong kiwa kitkaam nadooh ka President, ka Donasynta Lyngdoh wa ka Secretary, ka Wanbiang Khongjoh da yoh u wai ya kani ka yung krehkaam yong ki hapoh ka chnong Namdong-B.
Heijooh i por ka CLF da pynman ko ya ka Annual General Meeting (AGM) ha Community Hall Namdong-B, heiwa da emlang u Rolin Shadap, District Mission Manager, Jowai wa u Donbok Nongpoh, Block Project Manager deiwa sakhi lang leh u waheh chnong ka Thadmukoh, u Hoping Phawa wa u waheh chnong ka Lumrot, u Nobelki Ryngkhlem deiwa emlang ki dkhot yong ki SHG na ki chnong waphær waphær.
Discussion about this post