Wan wai u Conrad ya kiwa boon ki jait kaam yow pynthymme yei rukom ri masi

U Montri Rangbah ka jylla, u Conrad K Sangma ynne ka sngi da wai u ya ki kaam wa yatoh wa i ri mrad ha Upper Shillong haka yalang wa pynman da ka chnat Animal Husbandry & Veterinary deiwa emlang u Montri ka chnat C&RD, u Hamletson Dohling.

Neiliang u Conrad hawa e yei klam da ong u wa ka sorkar da booh bait ko hakhmat ya ki warep kiwa man leh 70% na waroh i em bru hapoh Meghalaya.

“Waroh iwa leh i neibynta ki warep ktah ko ya kiwa boon hapoh ka jylla wei nachwa ym em da leh iyi iyi tangwa kini kiwa khian kiwa da leh katni toh iwa daw yarap chiboon,” da ong u Conrad deiwa pteiñ wa lada ye wow pynbait ya iwa ktah bha ya ki warep daw ye leh u pynku yei yoh i laa ki warep. Yeini da ong u hawa wanrah yei stat wa thymme, ki symbe thymme nadooh ki jhoor kamjooh ki jait masi.

“Ka sorkar da yaleh ko wow pynthymme ya ini waroh deiwa sdang da iwa katkam ka juk wa katni yow pynku yei yoh i laa ki warep,” da ong u Conrad.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da khana u leh yei rukom pyn punkhon (Artificial Insemination) ya ki masi toh iwa ym pu em bien kiwa boon u leh hapoh ka jylla. “Daw e yarap poisa T. 500 chwa uwi pa uwi wa bien u leh da kani ka Artificial Insemination wei da booh bhah T. 2 klur da ka sorkar yow leh yeini yow pynkhlan ya ki masi wa da em chwa cha i nadooh i pynmih dud, kamjooh ki masi choh doh.”

Da khana u leh wa da sdang ya kawi ka thaw ri masi ha Saitsama, West Jaiñtia Hills yow pynkylla yei em masi hapoh ka jylla yow ye u pyndap yeiwa emkaam doh masi.

Ha kani ka sngi, u Conrad da wai u leh yaka Sex Sorted Semen AI Programme wa i sdang wow pynemkaam da ki jiat masi wa tip kam ki Ongole kiwa na Andhra Pradesh yow pynpunkhon ya ki masi wa da em cheini yow pynmih ya ki jait masi wa khlan u pynmih dud wei kiwa boon doh wei ini da booh thong wow leh ha kini ki 3 snem wow wan.

U Conrad da saam u leh ya ki jait khon masi chynrang wa tip kam ki F1 Male Calf wa da pynkha hapoh ka Integrated Cattle Development Project (ICDP) wei da wan chim da ki warep kiwa na 12 tylli ki chnong Model Village na waroh ki District ka jylla. Da saam u leh ya ki ISO Certificate cha i dud Na Ri.

Kiwi de kiwa da emlang ha kani ka sngi toh u K N Kumar, Chairman, Farmers’ (Empowerment) Commission & Secretary, AH & Veterinary, u C Manjunatha deilang wa ki sahep Veterinary wa ki warep na kylleiñ ka jylla.