theme-sticky-logo-alt
theme-logo-alt
Advertisement ad1
Advertisement ad1

Wan wai u Sniawbhalang ya ka Fete ka Ummulong, kular u wow e yarap sa T. 20 lak cha ka chnong

Advertisement ad1
Advertisement ad1
Advertisement ad1

U MLA ka Nartiang Constituency uwa man leh kam u Montri sorkar, u Sniawbhalang Dhar ynne da wan wai u ya ka Fete ka Dorbar Chnong Ummulong kawa da pynman ha Madan Khawang.

U Sniawbhalang hawa e yei klam da ong u wa kani ka Fete toh kam ka dak wa pynyoo yei yatylli hapoh ka chnong ka thaw heiwa da ya pynlut yei por wa kordor kamjooh ka poisa neibynta i bha i miat ka chnong.

Advertisement ad1

Neiliang ka Dorbar Chnong ha kani ka sngi da e ki leh ya ka dorkhat ha u MLA yong ki yow paan yarap chna ya ka Podium, ka paikhana wei iwa emkaam jhan dooh toh wow kær ya ka thaw noh jhep wa em ha Wahlangam, u pynyoh ya ka thaw chet wa pura (Permanent Kitchen Shed) ha madan Khawang wei wow pynyoh ya ki tanghæng pynbna chnong namo ka Public Address System.

Neiliang u Sniawbhalang da pyntip u wa heiyatoh wa ini da booh bhah T. 20 lak wei daw bhah katwon u pynlut neibynta neibynta ka PA System, ka thaw chet wei wow kær ya ka thaw noh jhep. Da pynsñiaw u leh yei sñiawkmen wa em ka chnong yei thmu wow kær ya ka thaw noh jhep.

Da pynkynmoo u wa poisa wa da dep e yarap cha ka chnong wa kawa daw e dapoi ko ym duna ya T. 60 lak.

Share this:
Previous

Da pynman yei e sikai hajrong ka ‘Case Information System Services’ neibynta ki muktiar ha Jowai 

Next

Da pynthymme ya kiwa kitkaam ka Dorbar Chnong Mutong, East Jaiñtia Hills