Shillong: U montri khynnah ka sorkar pyrdi wa pait ya ka Animal Husbandry, Dairying & Fisheries, u Dr. Sanjeev Kumar Baliyan ynne da yachem u wa kiwa psan sniang wa ki heh ka chnat AH & Veterinary Department ha Directorate of AH & Veterinary, Lumjengjri, Shillong.
U Dr. Baliyan da ong u ong u wa kawi na ki laad wow pynku ya ka lap kiwa rep toh deiwa psan mrad wa i pynmih dud.
Da ong u wa ka Meghalaya Piggery Mission kawa T. 220 klur manda pynkrehkaam ya ka daw yarap ko ym du ya ka jylla tangwa ya ka ri hi waroh kawi. I pynchong kurim ya ki mrad katkam ka juk wa katni namo ka Artificial Insemination (AI) hapoh jylla man ko du 5% donhi, u Dr. Baliyan da ong u wa emkaam wow pynchlur ya ka AI ka wow yarap ya ki warep ha kiwa boon ki liang.
Hajrong i chah hikai kiwa ri mrad, da ong u wa da kyntu u ya ka chnat wow tyrwa ya ki pyrtuid yong ki cha ka Ministry khnang wow ye u phah ya ki wow chah hikai ki ha National Dairy Research Institute (NDRI), Karnal wa Central Avian Research Institute, Bareilly.
Ha kani ka sngi da emlang leh u Secretary cha ka sorkar Meghalaya, AH & Veterinary Department, Dr. C. Manjunatha, Director, AH & Veterinary Department, Dr. C. Shylla wa u Director, Dairy Development, u J. A. Warbah.
Uni u montri da lai pait u leh ya ka Pig and Poultry Farm and Intensive Cattle Development Programme (ICDP) ha Upper Shillong wa ka Meghalaya Milk Processing Centre ha Mawiong.
Discussion about this post