U khlieh ka Indian Air Force u Air Chief Marshal Rakesh Kumar Singh Bhadauria, chirrup wa ka kurim yong oo kawa man ka President ka Air Force Wives Welfare Association (AFWWA) ka Asha Bhadauria da wanpoi ki ha Headquarter ka Eastern Air Command (EAC) ha Shillong ynnin wa ynne neibynta ka Commanders’ Conference kawa man chisien chisnem.
Ya kini ki ar ngut da pdiang da u AOC-in-C ka EAC u Air Marshal R D Mathur wa ka Shipra Mathur, kawa man leh ka President ka AFWWA (Regional).
Neiliang u Bhaduria da ekhublei u ya ka EAC wa dap ko 60 snem i chakri ya ka ri heiwa ha kani ka Conference da sylli leh yei pynkhreh kini ki chipai ha kani ka thaaiñ mihsngi.
Ha kani ka sngi da saam leh ya ki khusnaam cha ki heh ki chipai kani ka chnat hajrong i kaam yong ki wei kamjooh leh ya ka Air Force (AF) Station Tezpur kawa da yoh yei naam ‘Best Flying Station – Pride of EAC’ wa ka AF Stn Laitkor Peak kawa da yoh yei naam ‘Best Non-Flying Station’.
Neiliang ka Asha Bhadauria, President AFWWA da sylli ko ya ki kaam kreh monsñiawbha (Welfare Activities) yong ka seiñ wei da yachem ko leh wa ki kurim ki chipai ka Defence Service Corps ha ka yalang wa kyrpang.
Discussion about this post