Ynne heipor kamwa 1:40 i step synyaw da kem ya ki 5 tylli ki kari Pick-up kiwa dang pynkit mooyong na kawi ka truck wa em number AS-01AD-5279.
Ini da jia i ha chnong Dangkong ka East Garo Hills dei thmu wow kit tooh cha Assam.
Da kem leh ya uwi uwa yah ya kini ki kari, u Jahangir Alam (22 snem) uwa na Forest Kankata PS Rongjuli.
Kiwi tawon kiwa yah da yoh ki u yut wei da ieh ki chadien ya ki kari wa em number 1) AS 18 AC 0634, 2) ML 13 6828, 3) AS 18 C 3755, 4)AS 25 DC 7385 wa 5) AS 18 C 9016.
Haka 26-02-20 won, heipor 10 waje i miet, ki pulit da chem ki ya kawi ka truck wa em number NL-01AD-6479 wa yah da u Mamun Hussain Barbhuya ha Tongseng, EJH kawa kit mooyong pyrchah yaka hukum ka NGT.
Ha i miet ka 26 wa 27 u Thohlakhmi, ki pulit ka Umkiang PP East Jaintia Hills, da chem ki ya 24 tylli ki truck wa kit mooyong pyrchah yaka hukum ka NGT kiwa lai cheiliang Malidor. Hawa pynman yaka takit da chem wa emkti u Bison Shylla, u Tre Rymbai, u Dipsy Bareh, u Pyllun Ksoo, u Anthony Sumer, u Alal Uddin, u Abdul Satar, u Badral Hussain wa kiwi wow kit mooyong pyrchah yaka aiñ na Jaiñtia Hills cha Malidor ha Assam.
Haka 29 u Thohlakhmi heipor 10 waje i miet, ki pulit da chem ki ya ar tylli ki truck wa em number PB-32L-8825 wa WB-11B-0281, kiwa kit mooyong pyrchah yaka aiñ wei da kem ya ar ngut u Balwan Singh (26 snem) wa u Sailender Singh (35 snem).
Haka jooh ka sngi, u Mines Royalty Inspector, I/c Umkiang Check Gate East Jaintia Hills, da ujor u wa heipor 4:15 i step da chem u ya kawi ka truck wa em number AS-11AC-9981 wa kit mooyong pyrchah yaka hukum ka NGT.
Discussion about this post