15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Wanrah burom ki 3 ngut na ki artylli ki skur yaka Ri-loom Jaiñtia haka Result SSLC

Advertisement ad1
Advertisement ad1

Jowai: Ki artylli ki skur na Ri-loom Jaiñtia da wanrah burom ki yaka thaaiñ ha uni u snem kiwa wan chakhmat haka Result SSLC kawa da pynbna daka MBOSE ynne ka sngi hadien wa ki 3 ngut kiwa lai puræ da psiah ki haka thup yong ka kyrdan Top-20, wei napyrdi kitai ki khynnah, 2 ngut toh kiwa naka skur North Liberty Higher Secondary School, Jowai wa uwi won toh naka skur Sohkha Govt. Higher Secondary School, Sohkha.

Ki arngut kiwa na ka skur North Liberty Higher Secondary School Jowai kynthup ya ka Natasha B Blah kawa da wan ha i kyrdan wa 14 yong ka thup Top-20 kawa da yoh Distinction ha waroh ki Subject wa u Sneiñbha Suchiang uwa da wan haka kyrdan wa 18 yong ka thup Top-20 wei da yoh Distinction u ha ki soo tylli ki Subject lait noh ka English.

Katwa u Lakhon Larry Brown Khonglah won na ka skur Sohkha Govt. Higher Secondary School, Sohkha da wan u haka kyrdan wa 9 yong ka thup Top-20 wei da yoh Distinction u ha ki soo tylli ki Subject lait noh ka English.

Neiliang kini ki 3 ngut kiwa da poi chakhmat leh da pynsñiaw ki yei sñiawkmen wa khroo neibhah wa i kreh chitom yong ki da wanrah ya u soh wa thiang, wei hajrong kani ka thong da e ki yei sñiawngooh ya u Blai, kiwa sikai, kiwa hayung hasem wa waroh kiwa embynta wow kyrchaan wei e mynsien yaki ha i præ puthi.

U Sneiñbha Suchiang (North Liberty HSS) uwa wan naka manyung wa duna i yoh i kot wei da hap u wow yabeh skur na i chnong u na Muthlong, WJH hadooh ha i por Exam leh, da pynsñiaw u yei sñiawngooh ya kiwa sikai, ya u Pakha yong oo uwa da kyrchaan ya oo haka puræ puthi hadien wa u pa u da khlaad noh u.

Da ong u leh wa da ksoh u yei sneiñ i kyrkhu yei pynchlur kiwa hayung hasem wow kreh chitom yow yoh ya i nang i stat wym toh u e laad yei dooh i duk wow pynran dien.

Hawa yoh wow yaklam wa u Principal ka North Liberty HSS u Richard Uriah da pyntip u wa uni u snem rap boon kiwa yakhun yaka SSLC Examination wei boon da leh bha ki, na ki 100 ngut kiwa yoh 1st Division da em ki 55 ngut, kiwa yoh 2nd Division 38 ngut, kiwa yoh 3rd Division 5 ngut wa 2 ngut won kiwa chah ksoh. Heiyatoh won wa ki arngut kiwa poi chakhmat, kini toh kiwa da puræ nadooh dang khian ha kani ka skur nalor wa jooh mihkhmat ki leh yaka skur ha kiwa boon ki bynta.

Da pyntip u leh wa da em hadooh 120 tylli ki Distinction wa kiwa puræ da yoh khur ki ha uni u snem. Kamtæ da pynsñiaw u yei sñiawngooh ya u Blai, kiwa sikai kamjooh leh yei leh bha yong kini ki khynnah wow e mynsiem ya kiwi won ki para khynnah skur wow nang ku chakhmat. 

Share this:
Previous

Pynbaad ka Congress wa ym bna ka sorkar ya ki paidbah wa chah ktah nei chlai um

Next

Kammon ki MDC kyrchaan ki yaka sorkar NPP hawa tang wow su tulop ya ki wakreh leh ym ye: JHADC Ex-MDC Forum