Jowai: Ki 5 ngut ki khynnah wa yalehke Wushu da rah burom ki ya ka West Jaiñtia Hills District wei kamjooh da rah ki yei naam 1st Runner’s Up ha ka 16th Meghalaya State Level Wushu Championship 2018, wa pynman da ka Meghalaya Wushu Association (MWA) kawa pynman ha Good Shepherd Higher Secondary School Jongksha nadooh ka 11-12 tarik uni u bnai.
Da wan chimbynta da 100 ngut na kylleiñ ka jylla ha kani ka Tournament.
Kiwa wanrah burom man ki kamni ha wah:
- Ka Satisfied Syngkon kawa na Nongkynrih, West Jaiñtia Hills District kawa puræ ha St.Anthony’s Higher Secondary School Shillong kawa da yoh ya ka takma ksiar ha ka kyrdan Below -56 Kg Senior Girls.
Ki soo ngut won toh kiwa puræ ha skur Secondary School RMSA, Mustem.
- Ka Sunday Bareh – takma rupa ha ka kyrdan Below- 52 Kg Junior Girls.
- U Ebormi Dong – takma tama ha ka kyrdan Below -52 Kg Junior Boys.
- U Daoo- Hi Dkhar – takma tama ha ka kyrdan Below – 56 Kg Junior Boys.
- U Rismenki Lyngdoh – takma tama ha ka kyrdan Below – 40 Kg Junior Boys.
Ya kiwa yalehke na West Jaiñtia da yah khmat da u Ferdinand Suchiang u wa man kam u Coach yong ki.
Neiliang u Ferdinand Suchiang da e khublei u ya kiwa pynlai ya kani ka skur.
Da e khublei u leh ya u waheh chnong ka Mustem u Heimon Shylla u wa da e yarap ya kini ki 4 ngut ki khynnah na Mustem wow lai ya chim bynta ha kani ka Tournament.
Discussion about this post