Wanrah ka Congress da ka phang wym chaniah de ya ka EC ha KHADC

Shillong: Ka Congress kawa em ha ka liang pyrchah ha Khasi Hills Autonomous District Council (KHADC) da wanrah ko ynne ka sngi da ka phang wym chaniah de namo ka No Confidence Motion pyrchah ya ka Executive Committee wa khlieh da u CEM, u Teinwel Dkhar.

Ya kani ka phang da wanrah da ka Congress, wei da pdiang da u Chongknor (Chairman) u Pynshngain N Syiem hadien wa emlang ki MDC da poi chi bynta na ka soo bynta katkam ka aiñ pynlai dorbar.

Ka Congress em ko 10 ngut chirup wa ka Grace Mary Kharpuri kawa da mih na ka seiñ khlem uiñ biang.

Ha ka yung dorbar wa 30 ngut, ka liang synchaar em ko 19 ngut lait noh u chongknor katwa ka liang pyrchah won em ko 10 ngut wei lada ym em iwon iwon i chet kylla ka Executive Committee u Teinwel u neh hi ko kamjooh.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

U heh ka Congress ha KHADC, u Lamphrang Blah da ong u wa i wanrah ya kani ka phang toh wow pynsñiaw yei rukom krehkaam ka EC heiwa em kattu katni ki phang kiwa ktah.

Tangwa heijooh i por, da ong u wa ympu kwah ki wow klam bniah neibhah daw chong yalang ki wow pynkhreh ya ini i jooh neibynta ka pynyoo bor mynstep.