Wanrah ka KHADC ya ka aiñ wow pyndooh ya ka Pension ki MDC

U Executive Member ka Khasi Hills Autonomous District Council (KHADC), u Seiborlang Warbah da wanrah u ya ka aiñ wa thmu wow pyndam noh ya ka Pension ki MDC warim ka Council.

Ya kani ka aiñ wa da wanrah da tip kam ka Khasi Hills Autonomous District Council Members Pension Repealing Bill, 2026, wei i thmu ko toh wow tynyap noh ya ka aiñ Khasi Hills Autonomous District Council (Member’s Pension) Act, 2002.

U Warbah da ong u wa ka The Khasi Hills Autonomous District Council (Member’s Pension) Act, 2002, toh ka wow su ya ka bai baam tymmen namo ka Pension cha ki MDC warim.

Da ong u wa deiwa pynchong yurim ya ki hukum ki Court ha Meghalaya, ki MDC ymtoh ki kyrdan wa tip kam ki ‘Office of Profit’ hapoh ka Article 191 (1) (a) ka Constitution wei da jied ya ki cha ki Autonomous Council wa chna hapoh ka Sixth Schedule wei ymtoh wa da thung da ka sorkar jylla, kamtæ ym em hok ki wow yoh Pension.

Related posts

Ym em pynlut poisa ka sorkar wow wanrah ya ki e-Bike ha Shillong | Ym tip leh wa boon toh kiwa da sih

February 19, 2026

Ym pynman ka KHADC ya ka Monolith Festival ha uni u snem

February 19, 2026