Wanrah ka KHADC ya ka aiñ wow pynkrehkaam ya ka ILP

Shillong: Ka Khasi Hills Autonomous District (Inner Line as adopted from the Eastern Frontier Regulation, 1873) Regulation Bill, 2018 da wanrah ya ka ynne da u CEM ka Khasi Hills Autonomous District Council (KHADC) u HS Shylla ha ka dorbar kyrpang yong ka Council.

Kani ka Bill thmu ko wow wanrah yei chongsuk, wow yada wei wow pynneh ya i rukom synchaar ya ka Khasi Hills Autonomous District Council.

U Shylla hawa wanrah ya kani ka aiñ deiwa kyntu u ya u Lat ka jylla, Meghalaya wow pynkrehkaam ya ka Bengal Eastern Frontier Regulation, 1873 kamwa da pynwandur wei chna thymme ya ka Khasi Hills Autonomous District (Inner Line as adopted from the Eastern Frontier Regulation, 1873) Regulation Bill, 2018.

Da ong u wa ka Khasi Hills Autonomous District Council da poi ha u pood wa maa neibhah nei pynkrehkaam ya ka National Register of Citizens (NRC) ha Assam iwa da wanrah boon ki baar jylla ki wow yut chnong.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da pynrap u wa i wym sylli yei wan psiah ki baar jylla kiwa man ki tre ri India cha Khasi Hills Autonomous District Council da booh ko leh hei maa ya ki jaitbru Khasi ya kiwa da tipmit kam ki khian paaid namo ki Scheduled Tribes da ka riti synchaar ka ri.

Heijooh i por da kdaw u deiwa ong wa ka Bengal Eastern Frontier Regulation, 1873 kawa man kawi na ki aiñ wa kynthup ya ka United Khasi-Jaintia Hills District Council (Application of Laws), Regulation, 1952 kawa krehkaam ha Khasi Hills Autonomous District Council da pdiang (adopted) ya ka kam ka Khasi Hills Autonomous District (The Inner Line) Regulation, 2018.

Ka Section 3 yong kani ka Bill da ong ko wa man i iwa ye katkam ka aiñ ya ka Executive Committee (EC) ka KHADC wow pdiang næ pynkylla ya ki aiñ næ ki hukum ha ka Meghalaya Gazette nei por cheipor, ya ki wow khut “The Inner Line” ha ka Khasi Hills Autonomous District.

Ka EC leh deiwa pynbna (notification) ha ka Meghalaya Gazette khang pyrchah ko ya waroh kiwa chong chnong kiwa man ki tre ka ri India namo kiwon kiwon ki bru kiwa chong wa sah namo kiwa lai lyngba, wa ymye ki wow lai palat ya utæ u pood u ang namo Line khlem yohbor da i thoh na u CEM yong kitæ ki District, namo ki sahep wow e bor wow lai palat ya uni u ang, khlem yoh ki ya ka “Pass”, wei ka EC ka KHADC, ye ko wow pyndam ya kani neipor cheipor.

Ka Section 4 klam ko wow pynchitom ya kiwa lai palat ya uni u ang khlem yohbor (ka pass), ye ki wow chah pynchitom ha u Magistrate næ ka yung kasari (Court), ye ki wow chah kset hadooh chi snem namo wow daiñ kuna ym palat ya ka T. 1000, namo pyn ar.

Ka Section 7 ong ko wa u CEM ye u wow ebor (Authorize) ya u Syiem, Lyngdoh, Sirdar namo Wahadadar dei suba (apprehension) donhi wow kem ya kam kitæ ki bru kiwa lai pyrchah ya kani ka aiñ.