Wanrah ka Phang Wah ya u Bhang kam chibynta ka Behdieñkhlam Tuber

Ka thaaiñ Phang Wah hapoh ka Raij Tuber kawa yahkhmat da ka Dong Wah Chnong Tuber Kmaichnong, kawa kham kawa ksoh ya ka Niam Rah Bhang ka thaaiñ Phang Wah, ynne ka sngi da wanrah ko ya u Bhang uwa da jied kyrpang napoh i khloo i kjam, napoh riat poh ram wa na khap ki chiah ki sat.

Ynne da rah suk rah saaiñ chirup i synraanlang ki paaid ka Phang Wah dei lehkmen leh sñiawbha wa i chaad i kyriaw deilang i kieh ka bom, ka bhuri, ka bikur wa ka mew mew tymbud luti hadooh wa poi suk poi saaiñ ha Biar Aitnar hapoh ka chnong Tuber Kmaichnong heipor 4:30 i janmiet.

Hachwa u mih lai rah ya u Bhang, da pynman ka yachem ha Yung Khynroo (Yung Krehkaam) ka Dong Wah Chnong Tuber Kmaichnong deiwa emlang u Lyngdoh wa ki Wasan kiwa da e i Pyrnah Pyrjiñ ha u Klong u Skoo hei por 1:15 i sngi heiwa da yoh leh ya ka ngooh ka dem ya u Blai wa booh wa thoo kamjooh ya ka Bei Rymaw yow da u kær u kit u diang u Trekirot hajrong ka sih ka swar ka Bei Rymaw.

Related posts

Deiwa yoh chiboon iwa chna thymme ha Aitnar pynkut ya ka Ialong Behdieñkhlam 2026 deiwa phooh wa phieñ

August 10, 2026

Poi 22 tylli ki rot ki rong ha ka Behdieñkhlam ka Seiñraij Muthlong | Nang heh nan san kat dang lai ki snem

August 3, 2026

I pyntip na u na u Chairman ka Dong, u G. Lyngdoh.