Ynne ka sngi kawi ka Jet yong ka Bangladesh Air Force ka F-7BGI Trainer Aircraft da haap ko ha Milestone School and College ha Dhaka heiwa da suba wa boon ngut wa yap wei mynsoo kiwa dapoi hadooh 20 ngut kiwa boon toh ki khynnah wa lai puræ.
Ki Video wa da mih da yoo ya i diñ wa kop ha i kpær kamjooh i tdem heiwa da yoo leh ya ki khynnah wa iñ wa mih ki cha lait.
U Muhammad Yunus, u heh ka sorkar wa chipor ka Bangladesh da ong u wa da leh yeiwa emkaam wei i takit da lai i chaphrang wei ympu ye u ong katwon ngut wa mynsoo næ yap tangwa da antaad wa em ki boon ngut.
Kani ka F-7BGI da hær ko heipor 1:06 i sngi wei da haap ko heipor kamwa 1:30 wei i thooh wei pynlait ya kiwa mynsoo dang lai i chaphrang.
Da phah leh ar Platoon ki chipai Border Guard Bangladesh (BGB) wow yarap ha i thaw wa jia ha Uttara ka nongbah Dhaka.
Kiwa mynsoo da antaad wa da em ki hadooh 150 ngut.
Kani ka Jet toh kawa chna hapoh ka ri China.
Discussion about this post