Wanrah ka sorkar pyrdi ka BJP i sñiawyaphær hapoh ka ri: Congress

Shillong: U Montri Rangbah warim ka Kerela uwa man leh kam uwa yahkhmat ka Congress da pynbaad u wa ka BJP kawa em ha ka sorkar pyrdi da wanrah ko yei sñiawyaphær ha ka ri nadooh ka baam ka dih, ka riam ka bait.

Hawa yaklam u wa ki laad pathai ynne ka sngi ha Shillong, u Oommen Chandy da ong u wa ka BJP stat ko wow tuklar ha ka baam ka dih ha ka riam ka bait tangwa ha ki mar ki mata kiwa da ku dor heipor wa synchaar ka BJP ym em pyrkhat ko wei kiwa yoh nong toh du ki heh spah wa ki Company.

Uni uwa yahkhmat ka Congress uwa wan cheni wow yalap Election ya ka Congress, da ong u wa hanlada ka BJP ym em MLA ko ha kani ka jylla tangwa ye ko u pynemkaam da ka bor neibhah ka em ko ha ka sorkar ha Delhi.

Wow yaleh pyrchah ya ka bor yong ka BJP, u Oommen da ong u wa ka Congress hapoh i yahkhmat u Rahul Gandhi da pynkha ko ya ka seiñ wa em ha waroh ka ri.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heijooh i por da yaroh u ya ka sorkar Congress kawa yahkhmat da u Montri Rangbah ka jylla u Dr. Mukul Sangma. U Oommen da kam u wa u Montri Rangbah ka Meghalaya wa da leh u chiboon ki kaam pynroi wei kyrmen skem u wa ka Congress daw wan biang ko ha i bor ha kani ka jylla.

Hawa beiñ joor ya ka sorkar BJP ha Delhi, u Oommen da ong u wa hadooh katni u Montri Rangbahdooh ka ri u Narendra Modi ym em pynmih u ya kiwon kiwon ki kyntien pynrem hajrong i chah siat yap kawa thoh khubor ka Gauri Lankesh wei ini da pynyoo ya kayi kayi ha lyndet.