Ki paaid ka Phang Neiñ Raij Tuber da wan lirah ki ya u Bhang uwa man u Dieň Khlam ynne ka sngi Musiang heipor 1:00 waje i sngi na Tuber Chohchrieh heiwa da ya emlang nadooh u waheh chnong ka Tuber Kmaichnong, u Jiedlang Sana, u General Secretary Chnong wa Chairman Dong Kordieñlin, u Bormi Shylla, u Secretary Dong Tuber Kordieñlin, u Pynshngaiñ Phawa wa ki waheh kiwa man ki tre wa deiñ wa kiwa kit wabah ya u dieñ Khlam (U Bhang) deiwa emlang nadooh ki waheh ka Seiñ Raij Dong Tuber Neiñ Social & Cultural Club, u Ksohlang Phawa, Chairman, u Dinesh Sana, Secretary hei yahkhmat u Kñi ka Phang Neiñ, u Dr. Tanbok Dkhar wa kiwi kiwi ki waheh.
Ya uni u Bhang da lai booh ynne ka janmiet ha Madan Biar Blai Tuber Kmaichnong.
Neibynta wow pyndep ya ka Niam Yataan/Booh Bhang mynstep ka sngi Mushai kawa man leh ka sngi pyndep ya ka Behdeiñkhlam, da yooluti wow roi parum pareh ha ka pyrthai chongwasa yow yoh dei chait dei nang, dei mankhih mankhan yow yoh da u kynja u myntoi ya waroh ki khon ka Raij wa ki khon ka Bri u Ynñiaw Trep Ynñiaw Skum.
Discussion about this post