Wanrah naam ki manbei ha ka result HSSLC ka MBOSE yong kiwa sikai skur

Jowai: Ynne ka MBOSE da pynmih ko ya ka result yong ka HSSLC 2017 neibynta ki Elementary School Teachers Candidate ha ka Arts, Science wa ka Commerce Stream heiwa ki wa sikai da pass bha ki.

Ka khubor wa sñiawsuk chooh chooh toh wa em ki wa sikai kiwa da heh i rta da pass bha ki chaphrang ryngkat ki distinction ha ki subject waphær waphær.

Katkam ka khubor wa yoh da ong wa da em ki kattu katni kiwa sikai skur kiwa da rah yei naam yong ki ha kani ka exam na ri-loom Jaiñtia.

Ka Marchelang J. Chullai kawa 51 Snem na ka Ches’ Star UP School SSA Jowai da yoh distinction ko ya ka Khasi, ka Damonki Lywait kawa 44 snem na Little Flower UP School Jowai da yoh Distinction ko ha ka English wa Khasi, katwa ka Sweety Kyndiah wa 43 snem na Dulong UP School SSA da yoh Distinction ko ya ka English wa Political Science. Kini kiwa sikai toh kiwa na ka Exam Centre yong ka North Liberty School Jowai.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka Aida Pyrngap na Little Angel UP School Jowai da yoh distinction ko ha ka English.

Ka Iaikyrmenshisha Papang na Khliehmuchut UP School SSA Shangpung da yoh distinction ko ha ki le tylli ki subject kiwa kynthup ya ka MIL (Khasi), Second Language (Khasi) wa Economics.

Kani ka exam da pynman hadien wa pynmih hukum ka sorkar wa ong wa kiwa sikai Elementary School toh u pyndep ki ya ka HSSLC deiwa yoh 45% chaneiñ.

Daw pyntip chooh chooh i cha phi hei yatoh wa kiwi kiwa da poi chaphrang ha kani ka exam.