U Montri Rangbah ka jylla, u Conrad K Sangma ynne ka sngi da wanrah ya mang poisa kawa duna T. 1,849 klur neibynta u snem 2022-23 heiwa i lutsan u poi i waroh T. 18,881 klur heiwa iwa ye u pynmih u man i T. 18,700 klur wei na kani, T. 16,035 klur u wan ki na ki dan ka sorkar wa T. 2,555 klur na ki ram ka sorkar.
Na ka T. 18,881 klur wa da hap wow pynlut, T. 15,376 klur toh kiwa daw pynlut neibynta kiwa emkaam ka sorkar man-ka-sngi wa T. 3,505 klur yow thied ya sorkar yeiwa emkaam ko. Wei khlem da kheiñ ya ka ram wa hap su ko kawa dapoi T. 964 klur iwa daw hap pynlut dapoi ko T. 17,917 klur.
I su ya ka sut neibynta u 2022-23 da antaad u poi i T. 1,110 klur waka bai Pension kawa T. 1,469 klur.
U Conrad da ong u wa kani ka mang tangka toh kawa bhah ha ki le bynta kitæ ka Gender Budget, Youth Budget waka Sustainable Development Goals (SDG) kawa da man kawa nyngkong kam kani wei da pynkylla yei rukom bhah poisa.
U Conrad da ong u, “Neibynta u 2022-23, i lutphut waroh da antaad wow poi i T. 18,881 klur heiwa na kani, T. 14,448 klur u man ko naka poisa ka sorkar jylla katwa kiwa sah daw yoh na kiwa yarap ka sorkar pyrdi”.
Kmatæ da ong u wa kani ka mang poisa toh kawa duna T. 1,849 na iwa ye u pynmih iwa man 4.5% na ka GSDP.
Da khana u wa ha u snem 2021-22, ka sorkar jylla da yoh ko T. 5,851 klur naka sorkar pyrdi kam chibynta ki Central Tax. Hapoh ka Special Capital Assistance Program lyngba ka Finance Ministry da yoh T. 300 klur yow wanrah ya ki kaam pynroi. Neibynta u 2022-23 i bhah naka Central Tax da ku cha T. 6,264 klur. Daw yoh leh T. 1,033 klur kam ka Revenue Deficit Grant, T. 76 klur neibynta ka Disaster Management, T. 140 klur neibynta ki District Council wa T. 69 klur neibynta ki Urban Local Bodies wa T. 59 klur neibynta ka chnat i chait i khiah.
Da pyntip u leh wa ka sorkar India da pynku ko ya ka Special Capital Assistance naka T. 15,000 klur cha ka T. 1 lak klur heiwa na kani, T. 614 klur da booh bhah neibynta ka Meghalaya yow wanrah ya kiwa boon ki kaam pynroi ha u snem 2022-23.
