15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Wanrah u Wailadmiki 3 tylli ki phang wa yatoh wa ka Ri-loom Jaiñtia ha Assembly

2 Comments
Advertisement ad1
Advertisement ad1

Shillong: U MLA ka 2 Jowai Constituency ynnin ka sngi ha ka yung dorbar chna aiñ ka jylla namo ka Assembly da wanrah u ya le tylli ki phang wa yatoh wa ka Ri-loom Jaiñtia wei nyngkong dooh ka phang toh heiyatoh wa ki kaam wa yatoh wa ka JHADC.

U Wailadmiki da ong u wa ka JHADC waroh chi kattu da man ko kawi na ki bynta wa khroo heiyatoh wow yarap pynmih poisa ya ka sorkar jylla tangwa kamwa man katni won man i iwa sñiawsih wow yoo wa ka Council ymem de ye ko wow su ya ka tulop ki wakreh la kamwa 7 bnai kattu.

Advertisement ad1
Advertisement ad1

Da kyntu u ya ka sorkar deiwa ong wa chwa wow wiar noh ka JHADC emkaam wa ka sorkar jylla u chimkhia ko yeini deiwa yarap ya ka neibhah lym kamtæ, ka Ri-loom Jaiñtia daw dooh ko ya ka stieh wa yada ya ka.

U MLA ka Jowai da wanrah u ya ka bynta kawa ar heiyatoh wa i chah iehbeiñ ka Ri-loom Jaintia da ki phaw snem kattu khamtam heiyatoh wa ki kaam pynroi nadooh i stat i tip, i chait i khiah wa kiwi kiwi neibhah boonsien ka Ri-loom Jaiñtia man ko ka thaaiñ kawa yoh khaddooh ya kini ki kaam pynroi lada wyrchaw wa kiwi ki thaw katwa kamtæ da kyntu u ya ka sorkar wow wanrah salonsar ya ki kaam pynroi hapoh ka jylla.

Sa kawi won ka phang wa da wanrah u Wailadmiki ha ka yung dorbar toh ki khynroo wa ki kaam yalehke Sports deiwa ong wa ka Ri-loom Jaiñtia man ko ka thaw kawa pynmih boon ki khloor yalehke Sports kiwa da wanrah naam ym du ya ka jylla tangwa wot ya ka ri hi leh kamjooh tangwa ini i naam toh iwa yoh ki khlem iwon iwon i yarap na ka sorkar.

Da kylli u leh wa lada du i e naam ya ki da ka sorkar jylla kam ki Ambassador namo ki Icon u man i iwa biang? Neibhah khlem i yarap kammon wow ye chooh chooh ki wow wanrah naam ya ka jylla wa ka ri neibhah boon ki khynroo kyruiñ ki cha ki.

Da kytnu u leh ya ka sorkar wow sdang u e yarap ya ki khynroo ha ki jait yalehke Sports na ka thaaiñ wei wow pynman leh ya ki lympung yalehke Sports ha Ri-loom Jaiñtia, kamjooh leh wow pynman ya ki kattu katni ki jait yalehke ha ka ka thaaiñ manda pynman ya ka National Games ha ki snem wow wan wei ini daw yarap bha i wow e mynsien ya ki khynroo ka thaaiñ.

Share this:
Previous

COVID-19: La 118,447 ngut kiwa yoh, 3,234 ngut kiwa chait haki 24 kynta

Next

Sñiawngooh ka chnong Daistong ya u MLA wa MDC