Ka National People’s Party da kam ko wa ka Seat na East Shillong ha ka Election MLA 2023, 100 na ka 100 toh cha ka NPP. Ya ini da pynsñiaw da u National Vice President ka NPP, u Prestone Tynsong ha ka yalang pdiang burom ya u Malcolm Tariang deiwa pynskem leh ya NPP Block yong ka East Shillong.
Ya u Malcolm da pdiang sñiawbha cha ka NPP da u National President, u Conrad K Sangma deiwa emlang u National Vice President wa kiwi kiwa yahkhmat ka Party.
Hawa klam ha ka yalang, u Conrad da pynsñiaw u yei kmen yei wan psiah u Malcolm neibhah wa man u kam uwa yahkhmat wa biang wei uwa chemphang, neibhah ha ki 15-20 snem wa da dep da man ko kawa jwat sakhiat wow pynkohngooh ya u Malcom Tariang.
Hawa klam ha kani ka yalang, u Prestone Tynsong da ong u wa ha ka Seat na East Shillong da tikna ha u snem 2023 u man ko ka yong ka NPP, neibhah i psiah u Malcolm da man ko leh ha nongbah Shillong kawa em 7 tylli ki Constituency wei ka thong toh wow jop waroh 7 tylli ki Seat.
I psiah kiwa kyrchaan ka Congress cha ka NPP na East Shillong, da pynman ko leh ya u Prestone wow ong wa da e pyrtuid thymme ya ka Congress Block Committee cha ka NPP Block ha katai ka Constituency.
