Ka jylla Meghalaya daw pynman ko yei lehkmen dap 50 snem ha i rukom wa kyrpang wei iwa phooh, neibynta ini ka sorkar da pynkhreh ko wow lehkmen waroh chisnem hadooh ka 21 Duyatra 2022.
U Montri Rangbah ka Jylla, u Conrad K Sangma ynne ka sngi da ong u wa ka sorkar daw chna ko ya ka Celebration Committee wow em kiwa yahkhmat ka jylla, ki wow kynthup ya ki seiñ saiñpyrthai neibynta ini i lehkmen.
Da ong u leh wa i lehkmen dap 50 snem toh da ki program waphær waphær nadooh ki Block, ki District wei hadooh ka jylla waroh kawi.
U Conrad da ong u wa kani ka Committee daw pynwandur ko leh kammon wow lai chaphrang ha ki kaam ka jylla neibynta ki snem wow wan.
