Waroh ki sngi toh kiwa kyntang, ong u Paul ya kiwa pyrchah ya ka tamasa Cherry Blossom

Hawa e yei jubab yei em kiwa pyrchah yei pynkut ya ka Cherry Blossom Festival 2023 ha ka sngi Bibar namo ka sngi Sunday, neiliang u Montri ka chnat Tourism, u Paul Lyngdoh da ong u wa man-ka-sngi man ko kawa kyntang ym du ha kawi donhi ka sngi.

U Paul da ong u kawi pa kawi ka sngi toh kawa kyntang kawa kordor wei ym mut wa kylla ki bru kam kiwa hok wa khooid du chi sngi donhi katwa ha kiwi won ki sngi man ki kiwa tngit ki wym em man kiwa hok wa khooid.

Kam wow pynkynmoo wa ka seiñ STIEH da thoh ko cha u Paul yow pyrchah kei pynman ya ka Shillong Cherry Blossom Festival kawa daw pynkut ha ka 19 tarik kawa man leh ka sngi Sunday deiwa ong wa ka jylla Meghalaya da tip kam kawa Tip Bru Tip Blai.

Da ong ki leh wa ka sngi Sunday toh kawa da booh kyntang wow mane Blai wei deiwa pynman ya ka tamasa ha kani ka sngi toh kawa pyrchah yei sñiaw kiwa ngait niam kamjooh man ko pyrchah ya u Blai.