Waroh kiwa wan na baar jylla u kheiñ yaki kam kiwa rah ya u COVID-19

Ka chnat Health & Family Welfare ka sorkar Meghalaya lyngba u Commissioner & Secretary u Sampath Kumar, IAS da pynmih hukum ki khamtam ha kini ki por wa da sdang wai biang yaka ri yow ye u yada nei poor u COVID-19 hapoh ka jylla.

Waroh kiwa psiah chapoh ka jylla u kheiñ yaki kam ki Category ‘A’ Patients lada ym Test ma Test yaki. Ini mut wa da kheiñ bait yaki kam kiwa rah ya u khñiang COVID-19 kiwa ym em yaki dak ki chin wa chitom (Asymptomatic) boi kiwa ye u pynpoor ya uni u khñiang khlem da tip ki.

Deiwa leh kamni ka sorkar da yooluti ko wa daw em i kitkhlieh wei daw pynman leh yaki bru wow syndong ki yow lait nei poor uni u khñiang cha kiwi.

Ya waroh kiwa wan na baar jylla daw Test yaki haki thaw wa psiah ki daka RT-PCR Test. Ya kitu kiwa em ki dak ki chin daw Test leh daka Rapid Test Kit (RTK) waka RT-PCR pyn ha i thaw psiah.

Related posts

Pynbna ka Congress ya ka thup wa ar ki kyrtong MDC cha ka KHADC wa JHADC

January 10, 2025

Thooh daw ka VPP wow pyrchah ya ki kot puræ du neidaw wa em ka Election: Rakkam

January 10, 2025

Ya kiwa wan na baar jylla hap ki wow leh yaka Quarantine 14 sngi. Yaka Quarantine ye u leh ha yung, haki Community Quarantine Centre kamjooh haki Quarantine Centre yong ka sorkar wei leh haki Hotel kiwa da jied wow hap dei su wow leh Quarantine.

Daw e sikai leh yaki chong ki thaw kammon wow yada nei poor uni u khñiang daka chnat i chait i khiah.

Heiyatoh won yei wan ki bru na baar jylla ki wow leh yaki kaam wa kiwa em hapoh ka jylla ym ye ki wow leh kamjooh kiwa napoh ka jylla kiwa hap lai kreh cha baar jylla kiwa ye u man du kattu katni sngi hadooh boon tayaw daw hap ki wow leh yaka RT-OCR Test kamjooh wow leh Qurantine ya kiwa psiah chapoh ka jylla.

Kiwa wanrah ya kini ki bru toh u pynsah yaki haki thaw leh Quarantine wa hap dei su, wei lada toh kiwa da dep Test chwa wow mih ki na i thaw wa wan ki, daw hap ki wow pynsakhiat ya ini.

Ya kiwa wan du neibynta 3 sngi neibynta ki kaam sorkar wa emkaam lane kiwi ki kaam wa da mynjur daka sorkar daw Test yaki daka RTK hawa psiah ki chapoh ka jylla. I lai i wan yong ki toh du hapoh i thaw kreh yong ki wa i thaw sah ki deiwa bood leh yaki kyndon wa booh daka chnat i chait i khiah.

Kiwa yah kari kiwa kit yaki mar wa emkaam kiwa lai na kawi ka jylla cha kawi kamjooh cha kiwi ka ri daw hap Test ki man ka 10 sngi. Daw ye ki wow lai du nei thaw kreh wa cha i thaw kreh.