Waroh wa pdiang yei thmu pynheh ka MCL ha ka Public Hearing hapyrdi i awri ki paidbah 

Ynne ka sngi hawa pynman ka Meghalaya State Pollution Control Board (MSPCB) ya ka Public Hearing namo i pynsñiawthooh paidbah yei wow pynheh ya i bor wow pynmih khyndaw-bilat wa Clinker ka Meghalaya Cement Ltd. (MCL) ya kawa tip leh kam ka Topcem kawa em ha Thangskai, East Jaiñtia Hills da mih i awri nadooh wa sdang.

Ini i pynheh ya kani ka karkhana toh nadooh 2600 TPD (0.858 MTPA) cha ka 4500 TPD (1.485 MTPA) i booh yaka 10 MW Captive Power Plant waka 9.5 MW WHRS ha kani ka karkhana. 

Hawa kyrriah ya ka thaw wow pynman ya ka Public Hearing na madanbol cha Community Hall ka karkhana da man ko kawa lai bait heiwa da sakhi ya ka da u ADC ka Districit, u G .Warjri, i emlang ki sahep ka MSPCB, ki heh ka karkhana wa kiwa kyrchaan ya ini i thmu.

Katwa i awri da sdang i ha lait kani ka Hall kani ka Public Hearing da man ko kawa lai bait heiwa awjan waroh ki paidbah wa em hapoh kani ka Hall da pdiang ki ya ini i thmu pynheh ya ka karkhana.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

U Lamshwa Lyngdoh na Lumchnong da ong u wa kyrchaan u ya ini i thmu neibhah myntoi i ym du ya ka karkhana tangwa kani ka karkhana daw ye ko u pynku ya i e khih e kreh ya ki khynroo na ka thaaiñ, ka District wa ka jylla waroh kawi. 

Uwi na ki waheh ka chnong Chiehruphi uwa man leh u dkhot ka Synjuk ki Le Chnong da ong u wa ya ka NOC da e da ki le chnong kiwa kynthup ya ka Thangskai, Chiehruphi waka Wahiajer Narpuh.

Ha kani ka pynsñiaw paidbah da pdiang da kyrchaan waroh kiwa em hapoh kani ka Hall wow pynheh ya i thmu kani ka karkhana.