15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Wiar i kaweh ka lama BJP ha ka election MDC

0 Comments
Advertisement ad1

Shillong: Katwa waroh ki seiñ saiñ pyrthai chongchit ki wow pynkhreh ya ka election MDC khamtam heiwow pynyoo yei khlan ki kyrtong yong ki heipor wa lai thap pyrtuid, tangwa ka Bharatiya Janata Party (BJP) kawa man kawi na ki party wa heh tam ha ri India ym em kaweh ka lama ko ha kani ka Election ha kani ka kynti wot hadooh wa da kut i por thap pyrtuid ynnin ka sngi.

Hawa yaklam wa u heh ka BJP ha Meghalaya, u Alexander Laloo Hek da ong u wa ka party lyngba u General Secretary, u Bashailang Khongwir da thoh ki cha ki heh ka party ha Delhi wa ympu ye u chim ka rai lada u yakhun mo u dam ha kani ka election.

Da ong u “Ka party u pynbaptist hi-eh ko ya ki kyrtong wa jop ha kani ka Election.”

U Hek da kyntait u leh wa ym em ki kyrtong wa paan ticket na ka party deiwa ong wa em ki bru wa kwah wow yakhun na ka BJP, tangwa ka BJP ympu ye ko wow rai lada u yakhun ko ha kani ka Election.

“Na Pynthorumkhrah ym ym em uwon uwon wa wan cha nga wow pynsñiaw wa kwah ki wow yakhun Election,” da ong u Hek.

Rap nachwa u Hek da ong u wa ka party em bait ko ka thong wow pynyakhun ha waroh ki election tangwa hadien wymye ko wow sai kyrtong ha kani ka election MDC, u Hek da ong u wa ka Election Committee ymem ye ko wow chim ka rai hadooh katni.

Da kyntait u leh wa i wanrah ya ka Citizenship Amendment Bill, 2016, man ko i daw wa ka party ymye ko wow yoh kyrtong neibynta ka election MDC.

Advertisement ad1

0 Comments

Leave a Reply