Jowai : Ka seiñ Hynñiewtrep Student Union (HSU) seiñbei da pynsñiaw ko yei pyrchah kawa joor hajrong i pynbna u CM ka jylla u Dr. Mukul Sangma ya ki 6 tylli ki C&RD Block wa thymme ha ka jylla ha kini ki sngi wa da dep heiwa ym em yoh ka wi leh ha ri-loom Jaiñtia.
Ka seiñ ha ka khubor wa da phah da u President ka seiñ u Kyrshan Rymbai, da ong u wa i leh chiliang yong ka sorkar ha ki kaam pynroi da che kdar neibhah katkam i thmu wow pynmih sa ka wi ka C&RD Block ha ri-loom Jaiñtia Hills District da dep pynbiang ya ki kot ki sla nadooh u Naisaphra (August) 2013, tangwa hadooh katni neiliang ki MLA napoh ri-loom Jaiñtia ym nood ki wow tuklar lang hajrong kani ka kaam wow pynkreh noh ya katai ka C&RD Block wa thymme.
Chooh chooh neiliang ka seiñ da pynrem joor ko ya u MLA ka thaiñ u Sñiawbhalang Dhar hajrong wym leh u yeiwa emkaam hajrong wow yoh C&RD block hapoh ka constituency yong oo.
Kamtæ ka seiñ da kyntu ko ya u Minister wow leh u wow kreh smat yow yoh ya iwa emkaam ki paidbah.
Discussion about this post