October 4, 2021
Advertisement
Advertisement
Ka Meghalaya da pynkut ko yei lai e reiñ ha ka Women’s U-19 One Day Trophy deiwa rem le sien heiwa ynne ka sngi da rem ki ha ka Jammu & Kashmir.
Deiwa leh bha dooh da ka Bat, ka Meghalaya dang rem ko da 75 Run ha Bhubaneshwar.
Ka Meghalaya da jop ko ya ka kylla khlem deiwa phah Bat nyngkong ya ka Kashmir heiwa ka Neelam Roy (1/21) da yoh ko wow pynhaap Wicket khlem da yoh chi Run leh. Tangwa i kamai lang wa 82 Run neibynta ka Wicket wa ar da pynneh skem ya ka J&K, kiwa da kamai 177/5 na ki 50 Over.
Ka Sistilin Ryntathiang toh kawa lehbha dooh da ka bol ya ka Meghalaya deiwa yoh 2/25, katwa ka Ankita Sharma da yoh ko 1/27.
Ka Meghalaya lait na ynne ka sngi ym em ye ko wow poi 100 Run ha ki yaleh wa nachwa. Kiwa kawang bol ka Kashmir da yarap ki wow pynyoh Run ya ka Meghalaya kiwa da e 35 Run wa kynthup ya 31 tylli ki Wide bol, na kiwa Bat da em 3 ngut kiwa ye u kamai palat 10 Run.
Ka Sharma da yoh ko 20 Run, ka Roy da pynmih ko 16 Run katwa ka Emisakani Warjri 12 Run (Not Out) kwa da wan wow Bat hei 10, tangwa da haap lut ki Wicket ka Meghalaya kiwa da Bat 45.2 Over deiwa kamai 102 Run.
Kamtæ ka Meghalaya da pynkut ko ya i yakhun ha kani ka lympung deiwa rem le sien wei ar tylli khlem yoh wow yalehke neidaw u slap.
